Masalimo 80:2 - IBAYIBOLO 2024

² abaluko ulwa Efulayimu nulwa Benjamini sona nulwa Manase lanjizya amaka ghako, po wizaye pakutupoka.

Masalimo 80:2 Iomraidhean Croise

1 Abamwene 8:6

Po abaputi bakiza ni Bokosi ilya Lufingo ilya Mwene mu Nyumba iya Chala nukulyikazya mu Buzilo Ubuzelu Nkani, kusi kuvipapande ivya bakelubi.

2 Abamwene 19:15

U Hezekiya akiputa kwa Mwene akati, “Wee Mwene u Chala uwa Izilayeli wewe ukwikala pabakelubi, wewe Chala wemwene mpela pabumwene bosi ubwa pachisu ichapasi. Ukapela ichisu ichakumwanya ni chapasi.

Masalimo 35:23

Mwene wane, vundumuka ukuti unvighilile, Chala wane, nyamuka nukundwila ubwite.

Masalimo 50:2

U Chala akulama bo ikaye mu Ziyoni, akaya akakuboneka akiza nkani.

Masalimo 78:38

Loli akaba wachisa, akabahobokela imbibi zyabo, po atakabanangannya, akabalilo na kabalilo akubwisya ubukali bwache, loli atakakalala.

Masalimo 99:1

U Mwene weyuyo akulaghila po inko zitetemaye, po ichisu ichapasi chihobokaye. Ikaye pachitengo pakasi pa bakelubi, po ichisu ichapasi chiyinganaye.

Ukufuma 25:22

Nkwiza pakukomana nawe palapala, sona pamwanya pa chikupikizyo pala, pakasi na pakasi pa bakelubi babili, nkwiza pakukupa amalamulo ghagho aba Izilayeli babaghiye pakughakonka.

Yesaya 25:9

Pisiku lilalila abantu bakwiza pakunena ukuti, “Naloli uyu we Chala witu, tukamusubila po akatupoka. Uyu we Mwene yuyo tukamusubila, zagha tusekelaye nukuhoboka pachifukwa icha kutupoka.”

Yesaya 33:22

Pakuti u Mwene we mulongi witu, u Mwene we akutupa indaghilo, u Mwene we mwene witu, weyuyo akwiza pakutupoka.

1 Samuweli 4:4

Po abantu bakatuma intumi ku Shilo ukuti basende Ibokosi ilya Lufingo ilya Mwene Uwamaka Ghosi, yuyo akwikala pakasi pa bakelubi. Abana babili aba Eli nu Hofini sona nu Finehasi bakaba kulakula poka ni Bokosi ilya Lufingo ilya Chala lila.