Masalimo 80:13 - IBAYIBOLO 2024

¹³ Ingulube izya munkolongo zikughakanyankila, po ivinyamana ivya muzi vikughalya.

Masalimo 80:13 Iomraidhean Croise

2 Abamwene 17:20

Polelo u Mwene akabakana aba Izilayeli bosi, sona akabafunda nukubabika munyobe izya bantu abakufyula ivintu mupaka akabefya bosi pamaso papache.

Masalimo 89:42

Waghabika amaka agha balwani bache pamwanya papache, po wabapela abalwani bache ukuti basekelaye.

Yesaya 5:5

Nkwiza pakubabuzya zizyo nkwiza pakubomba, nu mughunda wane uwa mampesya. Nkwiza pakwefyako ulubagha lulo lughuzyunguliye, nukulumongolannya ulubumba lulo lughuzighiliye, po ghukwiza pakukanyankiliwa

Yelemiya 4:7

Inkalamu yafumila mumusitu, wepe uwakunangannya ivyisu anyamuka. Abulekite ubuzilo bwache umwakuti achinangannye ichisu chinyu. Utwaya twinyu utukulu tukwiza pakuba visami mumo mutakwikalamo abantu.

Yelemiya 5:6

Polelo inkalamu iya mumusitu yikwiza pakubaghogha, sona abakambwe aba munkolongo bakwiza pakubanangannya. Uzyela akwiza pakubavwamilila papipi nutwaya twabo utukulu. Akwiza pakubazepulannya mutupusa umuntu wesi yuyo akufumila kuzi, pakuti ukusambuka kwabo kukulu nkani, sona bate basubiliwa.

Yelemiya 51:34

U Yelusalemu akuti, “U mwene Nebukadineza uwamu Babiloni atulya, atufwantannya, nukutupela ngati sonta yiyo mutalimo nakamokamo. Atumila ngati nyivwila, sona izuzya ulwanda lwache ni vyakulya ivinonu, pisinda pache akutufwina.”

Yelemiya 52:7

Ilinga ilya kaya akakulu nkani kala likamongoliwa. Napapo abantu aba mu Babiloni bakakazyungulila akaya akakulu nkani kala, abasilikali bosi bakachimbila pabusiku. Bakafumila ku mulyango uwa pakasi pavibumba vibili, papipi nu mughunda uwa mwene, bakachimbilila kwikombe ilya Alaba.

Ezekiyeli 19:12

Loli ghakanyunkuliwa umwakukalala, nukusumbiwa pasi. Impepo iyakubufumilo bwizuba yikaghapela ukuti ghume. Ivikomwa vyache vikabulutuliwa, isamba zyache izyamaka zikafoka, sona umoto ghukocha zyosi.

Nahumu 2:3

Ingulu izya basilikali bache nchesamu, ababwite bavwalite ivichesamu. Ingolo zyabo zikung'azimila ngati ndimi izya moto, pisiku lilyo biyannya, abendezya ifalasi bakuchimbila, bo bimikite impalala zyabo mumwanya.