Masalimo 80:1 - IBAYIBOLO 2024

¹ Wee mudimi uwa Izilayeli, tegha ikutu, wewe akumulongozya u Yosefu ngati mudimo uwa ng'ozi, we ukwikala pachitengo icha bumwene pakasi pa bakelubi. Ubalamilaye

Masalimo 80:1 Iomraidhean Croise

2 Samuweli 6:2

U Devedi poka na bantu bache babo bakaba nawe, bakanyamuka ku Baala mu Yuda pakulisenda Ibokosi ilya Chala, lilyo likwitiziwa ni tabwa ilya Mwene Uwamaka Ghosi, yuyo ikaye pachitengo icha bumwene pakasi pa bakelubi.

2 Abamwene 19:15

U Hezekiya akiputa kwa Mwene akati, “Wee Mwene u Chala uwa Izilayeli wewe ukwikala pabakelubi, wewe Chala wemwene mpela pabumwene bosi ubwa pachisu ichapasi. Ukapela ichisu ichakumwanya ni chapasi.

Yobu 10:3

Nkimba chingakuhobosya nanti ukunjivya, nanti ukuzinsulannya imbombo izya nyobe zyako? Nkimba chingakuhobosya nanti ukwennya zizyo abantu ababibi bakulonda pakumbombela?

Masalimo 45:1

Umoyo wane wizuye ni pangwi ilyiza, bo indi pakumwimbila u mwene ulwimbo lwane. Ululimi lwane luli ngati chakusimbila icha musimbi yuyo amenye nkani pakusimba.

Masalimo 5:1

Wee Mwene, ivwa amazyu ghane, sona teghelezya ukukoloma kwane.

Masalimo 50:1

U Chala Uwamaka Ghosi, u Mwene akunena, nukubitizya abantu muchisu chosi ichapasi, ukwandila kuko izuba likufumila mupaka kubwinjililo.

Masalimo 50:2

U Chala akulama bo ikaye mu Ziyoni, akaya akakuboneka akiza nkani.

Masalimo 55:1

Wee Mwene, teghelezya ulwiputo lwane, utakakusulannyanje ukwilumbusya kwane.

Masalimo 60:1

Wee Chala watuleka twebene, watunnyampannya sona watukalalila, polelo utunyosezye mumo tukabela.

Masalimo 69:1

Wee Chala, mpoka, pakuti amizi ghafika musingo.

Masalimo 77:20

Ukabalongozya abantu bako ngati zyo ng'ozi, pakwendela mwa Mozesi nu Aloni.

Masalimo 78:52

U Mwene akabalongozezya abantu bache ngati vyo vitekwa, po akabefya munkolongo mula ngati zyo ng'ozi.

Masalimo 78:67

Akabakana abaluko ulwa Yosefu, atakabasala abaluko ulwa Efulayimu.

Masalimo 80:19

Wee Mwene u Chala Uwamaka Ghosi, tunyosekezye kukwako, icheni chako chitulamilaye, po tukwiza pakupokiwa.

Masalimo 80:3

Wee Chala, tunyosekezye mumo tukabela kale, icheni chako chitulamilaye, po tukwiza pakupokiwa.

Masalimo 80:7

Wee Chala Uwamaka Ghosi utunyosekezye kukwako, icheni chako chitulamilaye, po tukwiza pakupokiwa.

Masalimo 94:1

Wee Mwene, awe we Chala uwalutanizyo. Wee Chala, uwalutanizyo ilanjizya!

Masalimo 99:1

U Mwene weyuyo akulaghila po inko zitetemaye, po ichisu ichapasi chihobokaye. Ikaye pachitengo pakasi pa bakelubi, po ichisu ichapasi chiyinganaye.

Yesaya 40:11

Akuzidima ing'ozi zyache ngati mudimi. Akutubunganika utwana utwa ng'ozi, nukutupakata munyobe zyache, nukuzilongozya akiza zizyo zili nutwana.

Yesaya 60:1

Nyamuka Yelusalemu, ulamaye ngati lizuba, ubuchindamu ubwa Mwene bukukulamila awe.

Yesaya 63:11

Po abantu bache bakaghakumbuka amasiku aghakale, amasiku agha Mozesi na bantu bache Nkimba ali kokwiyi u Mwene, yuyo akabapoka panyanja, poka na badimi aba mudimo wache? Nkimba ali ko kwiyi u Mwene, yuyo akabika Umuzimu Umuzelu wache pakasi papabo,

Ezekiyeli 1:13

Akabonekele aka vipeliwa ivyabumi kakaba ngati mazimwa aghakwaka umoto pamo ngati vikoka. Umoto ghukendagha uku na uku pakasi pavyabumi. Ghukakagha nkani, sona akamesya kakanyampana mulamula.

Ezekiyeli 10:4

Po ubuchindamu ubwa Mwene bukepapo pamwanya pabakelubi nukufika pamulyango uwa Nyumba iya Chala. Ibingu lila likizula mu Nyumba iya Chala yila, sona ulubinjilo lukizula nukulama ukwa buchindamu ubwa Mwene.

Ezekiyeli 34:23

Nkwiza pakuzipa umudimi weka, umubombi wane u Devedi, sona akwiza pakuzisungilila nukuba mudimi wabo.

Ezekiyeli 43:2

sona nkennya ubuchindamu ubwa Chala uwa Izilayeli bukufumila kubufumilo bwizuba. Izyu lyache likaba ngati kupoma ukwa mizi ghagho ghakwenda, ichisu chikizula nulukozyo ulwa buchindamu bwache.

Daniyeli 9:17

“Ilelo wee Chala witu, ivwa inyiputo nukulaba kwa mubombi wako. Umwakuti abantu bosi bakumanye ukuti we Mwene, ubwennye ni chisa ubuzilo bwako ubuzelu, bubo bwaba chisami.

Yohani 10:14

Ane ne Mudimi umwiza. Inzimenye ing'ozi zyane, sona zyope ing'ozi zyane zimenye

Ukukumbusya Amalamulo 33:2

Bo ali pakubasaya akanena akati, “U Mwene akika pighamba ilya Sinayi, sona akazubuka ukufuma ku Seyili. Akabalamila abantu bache, bo ali pighamba ilya Palani. Akiza poka ni chilundilo icha bantumi 1,000 bo alemite umoto uwakwaka munyobe yache.

Aba Hebeli 13:20

U Chala wemwenecho uwa mutende yuyo akamuzyusya kubufwe u Mwene witu u Yesu ukwendela mwibanda ilya lufingo ilya bwila na bwila, sona yuyo we Mudimi usongo nkani uwa ng'ozi.

1 Pitala 2:25

Amwe mukaba ngati zyo ng'ozi zizyo zisobelite, loli ilelo mwanyokela kwa Mudimi yuyo Musungilili uwa bumi bwinyu.

1 Pitala 5:4

Sona bo Umudimi usongo aboneka, mukwiza pakupokela impumpu iya buchindamu, yiyo yitakuchujapo nalumo.

Ubuvumbuli 21:23

Izuba pamo umwezi vitakulondiwa nukuti vilamaye mukaya akakulu nkani kanaka pakuti ubuchindamu ubwa Chala bukulamilamo, sona ulukozyo lwache we Mwana uwa ng'ozi.

1 Samuweli 4:4

Po abantu bakatuma intumi ku Shilo ukuti basende Ibokosi ilya Lufingo ilya Mwene Uwamaka Ghosi, yuyo akwikala pakasi pa bakelubi. Abana babili aba Eli nu Hofini sona nu Finehasi bakaba kulakula poka ni Bokosi ilya Lufingo ilya Chala lila.