Masalimo 8:2 - IBAYIBOLO 2024

² Namapalo agha bana abanandi na babonda wazenga ilinga pachifukwa icha balwani bako; umwakuti ubasone imilomo bosi babo bakusambukiye.

Masalimo 8:2 Iomraidhean Croise

Masalimo 148:13

Balipalaye itabwa ilya Mwene, pakuti itabwa lyache lyene lyo lyapamwanya. Ubuchindamu bwache buli pachisu ichapasi, sona na kumwanya bulo.

Masalimo 4:4

Mumunyilaye u Chala, sona mutakanangaye. Bo mulambalaye muvitala vyinyu, mwinong'onaye akiza, sona mubanje bulo myee.

Masalimo 44:16

Pakwivwa amazyu agha abantu babo bakunsamula nukunyobezya, pachifukwa icha mulwani yuyo imiliye pakutanizya.

Masalimo 46:10

“Banga bulo myee, sona uzimanye ukuti ne Chala, sona abantu aba inko izinji bakwiza pakumpala, bope abantu aba muchisu ichapasi bakwiza pakunkwezya.”

Masalimo 57:6

Bakutegha ichilepa ukuti bandeme, umoyo wane ghukuyimba nkani. Bakakumba ichiliba muzila yane, loli bawilamo bene muchibwina chilachila.

Ukufuma 11:7

Loli nayimoyimo imbwa yiyo yikwiza pakumubwatila umu Izilayeli, pamo ichitekwa, awe. Po mukwiza pakumanya ukuti ane ne Mwene nene nkubika ukulekana pakasi paba Ijiputi naba Izilayeli.

Ukufuma 15:16

Ulutente nubogha ubukulu nkani vyabawila. Pachifukwa icha maka ghako amakulu, abene bali myee ngati libwe mupaka abantu babo ukabatabula badumusannyepo.

Yesaya 40:31

Loli abantu babo bakumusubila u Mwene, amaka ghabo ghakwiza pakunyokela kubupya. Bakwiza pakubuluka ngati mazwanga, bakwiza pakuchimbila loli batakwiza pakulita, bakwiza pakwenda loli batakwiza pakudedebala.

Yesaya 6:3

Bakitizannyanga bakatinji, “Muzelu, muzelu, muzelu! U Mwene Uwamaka Ghosi muzelu! Ichisu chosi ichapasi chizuye nubuchindamu bwache.”

Amosi 5:9

Weyuyo akubanangannya abantu abamaka, sona ukunanganika kukwiza pa malinga agha kaya akakulu nkani.

Habakuku 2:20

Loli u Mwene ali Munyumba yache izelu, leka ichisu chosi ichapasi chibe myee pamaso papache.

Matayi 11:25

Pakabalilo kalakala u Yesu akati, “Wee Tata, Mwene uwakumwanya na pachisu ichapasi! Nkukupalizya pachifukwa ichakuti wabavumbulila abantu babo batamanyiye ivintu vivyo ukabafisa abantu abamahala na bamanyi.

Matayi 21:16

Po bakamulalusya u Yesu bakati, “Nkimba ukwivwa zizyo abana bakunena?” U Yesu akamula akati, “Eee, nkwivwa. Nkimba mutabelengitepo nalumolumo Amasimbo aghakuti, ‘Mwamanyisya abana na babonda pakubapala akiza.’ ”

Luka 10:21

Pakabalilo kalakala u Yesu akizula nu buhobosu nu Muzimu Umuzelu nukuti, “Wee Tata, Mwene uwakumwanya na pachisu ichapasi! Nkukupalizya pachifukwa ichakuti wabavumbulila abantu babo batamanyiye ivintu vivyo ukabafisa abantu abamahala na bamanyi. Eee, Tata, umu momumo ukalondela ukuti chibombiwanje.

1 Aba Kolinti 1:27

Loli u Chala akavisala ivintu vivyo vipunganu ivya muchisu ichapasi, umwakuti abakozyanje isoni abamahala. Sona akavisala ivintu vivyo videdebazu ivya muchisu ichapasi, umwakuti abakozyanje isoni abamaka.

1 Samuweli 2:9

Akwiza pakuzizighilila inyayo izya bantu bache abasubiliwa. Loli abantu ababibi bakwiza pakuba bulo myee muchisi. “Umuntu atangapota na maka aghache na ghache.