Masalimo 8:1 - IBAYIBOLO 2024

¹ Wee Mwene, u Mwene witu, itabwa lyako likulu nkani pachisu chosi ichapasi! Ubuchindamu bwako bufikite ko kumwanya.

Masalimo 8:1 Iomraidhean Croise

1 Abamwene 8:27

“Wee Chala, nkimba naloli ungikala pachisu ichapasi? Nanti kumwanya pamo kumwanya nkani kutangakukwana, po zingaba bulibuli ni nyumba inandi yiyo nakuzengela

Masalimo 145:1

Wee Chala wane sona Mwene wane, nkwiza pakukupalagha. Nkwiza pakulipala itabwa lyako bwila na bwila.

Masalimo 148:13

Balipalaye itabwa ilya Mwene, pakuti itabwa lyache lyene lyo lyapamwanya. Ubuchindamu bwache buli pachisu ichapasi, sona na kumwanya bulo.

Masalimo 36:5

Wee Mwene ulughano lwako lwafika mupaka kumwanya, sona ubusubiliwa bwako bope bwafika mumabingu.

Masalimo 57:5

Wee Chala, lanjizya ubukulu bwako ukuchila mumwanya nkani, sona ubuchindamu bwako bwizulaye pachisu chosi icha ichapasi.

Masalimo 63:1

Wee Chala, awe we Chala wane, sona nkukulondelezya nu moyo wane ghosi. Umoyo wane ghuli ni nyota nawe, sona umubili wane ghope ghukukusamba. Nkukusamba nkani ngati chisu ichumizu, sona ngati nkolongo yiyo yite na mizi.

Masalimo 68:4

Mumwimbilaye u Chala, mulipalaye itabwa lyache pakwimba inyimbo. Mumukwezyanje yuyo akwelite pamabingu, yuyo itabwa lyache we Mwene, po musekelaye pamaso papache.

Masalimo 8:9

Wee Mwene, u Mwene witu, itabwa lyako likulu nkani pachisu chosi ichapasi!

Masalimo 81:1

Mumwimbilaye nu buhobosu u Chala witu yuyo maka ghitu, mumwimbilaye u Chala uwa Yakobo umwakukolomoka!

Masalimo 84:1

`````````````````````````````````````````````````````````````````````````````````Wee Mwene Uwamaka Ghosi, nkimba bo bwiza boni ubwa Nyumba yako?

Ukufuma 15:11

“Wee Mwene, nkimba alipo u chala uyunji, yuyo ayanite nawe? Nkimba wewenu ayanite nawe, we muchindikiwa sona we muzelu? Nkimba wewenu angayana nawe, pakupela ivyika ni viswigho?

Inyimbo izya Solomoni 5:16

Imilomo yache yikunhobosya nkani, mumwache vyosi vili akiza bulo. Mwee bakolo aba mu Yelusalemu, umu momumo abeleye umughaniwa wane, sona nu mumanyani wane.

Yesaya 26:13

Wee Mwene u Chala witu, napapo tukulaghiliwa na banji, loli tukulichindika itabwa lyako mpela.

Habakuku 3:3

U Chala akiza ukufuma ku Temani, Umuzelu yula akiza ukufuma kwighamba ilya Palani. Ubuchindamu bwache bukakupikila kumwanya, sona amapalo ghache ghakizula pachisu ichapasi.

Matayi 22:45

“Nanti u Devedi umwenecho akamwitizya ukuti Mwene, po u Kilisitu angaba bulibuli uwaluko ulwa Devedi?”

Yohani 20:28

U Tomasi akamwamula akati, “Mwene wane, sona nu Chala wane.”

Aba Efeso 4:10

Po yuyo akika weyuyo akakwela ukuchila kumwanya, ukuti ivintu vyosi vibanje vyizule na yuyo umwenecho.

Ukukumbusya Amalamulo 28:58

Nanti mutakughakonka amalamulo ghosi ghagho ghasimbiwe mwibuku linili, sona nanti mutakumunyila u Mwene u Chala winyu, nukulichindika itabwa lyache ilyakuswighisya u Mwene u Chala winyu ni lyabuchindamu,

Aba Filipi 3:8

Momumo, vyosi bulo nkuvyennya ukuti vyosi vite ni mbombo, pakuti imumenye u Kilisitu Yesu u Mwene wane. Pachifukwa chinichi, nkutagha ivintu vyosi, sona nkusenda ivintu vyosi pakuba mintu bulo umwakuti ubukabi bwane bubanje we Kilisitu,

Aba Hebeli 7:26

Chikaba chakulondiwa ukuti aswe tubanje nu muputi usongo yunuyu. Umuputi uyu muzelu, yuyo ate ni chilema nachimochimo, sona ate ni mbibi nayimoyimo. Umwene akakweziwa ukuchila ivintu vyosi ivya kumwanya.

Ubuvumbuli 19:6

Po nkivwa ichongo chicho chikivwika ngati cho chilundilo icha bantu, ngati kupoma ukwa mizi, sona ngati kujilimisya ukwa vula. Izyu lila likati, “U Chala apaliwanje! Pakuti u Mwene, u Chala witu, Uwamaka Ghosi, we Mwene!