Masalimo 79:9 - IBAYIBOLO 2024

⁹ Wee Chala Umupoki witu twavwe, pachifukwa icha itabwa lyako ichindamu. Tupoke sona utuhobokelaye imbibi zyitu, pachifukwa icha itabwa lyako.

Masalimo 79:9 Iomraidhean Croise

2 Imbili 14:11

Po u Asa akamwitizya u Mwene u Chala wache akati, “Wee Mwene atalipo uyunji yuyo ayanite nawe ukuti ubapoke abantu abadedebazu munyobe izya bantu abamaka. Wee Mwene u Chala witu utwavwe, pakuti tukusubiye awe, sona tukwiza pakulwa ubwite na basilikali abinji aba mwitabwa lyako. Wee Mwene we Chala witu. Utakitikizyanje ukuti umuntu alwanje nawe.”

Masalimo 115:1

Wee Mwene, te sweswe awe, loli itabwa lyako lichindikiwanje, pachifukwa ichakuti ulughano nu busubiliwa vyako.

Masalimo 25:11

Wee Mwene pachifukwa icha wewe, uhobokelaye imbibi napapo nkulu.

Masalimo 31:3

Pakuti we lyalabwe lyane ni linga lyane, sona pachifukwa icha litabwa lyako, undongozye nukundongolela.

Masalimo 65:3

Pakabalilo kako imbibi zikang'wama papitu, awe ukatuhobokela ububibi bwitu.

Yesaya 43:25

“Ane nene nkuhobokela imbibi zyinyu, sona pachifukwa icha nene, ntakwiza pakuzikumbuka sona imbibi zyinyu.

Yesaya 48:9

Pachifukwa icha itabwa lyane ntakukalala lubilolubilo, pachifukwa icha mapalo ghane nkufisa ubukali bwane, umwakuti ntakabanangannye.

Yelemiya 14:21

Pachifukwa icha itabwa lyako utakatuleke twebene, utakachisamulaye ichitengo chako icha bumwene icha buchindamu. Ukumbukaye ulufingo lwako lulo ukafingana naswe, sona utakalunangannyanje.

Yelemiya 14:7

Abantu bakuti, “Napapo imbibi zyitu zikutubikila ubwakaboni, wee Mwene, bombapo zimo pachifukwa icha itabwa lyako. Pakuti twakukana, sona twakunangila akabalilo kosi.

Ezekiyeli 20:14

Loli intakabomba ichi pachifukwa ichakubuvighilila ubuchindamu ubwa itabwa lyane ukuti litakanyaziwanje pamaso pa inko bo nkuzyefyamo mu Ijiputi.

Ezekiyeli 20:44

Mukwiza pakumanya ukuti ane ne Mwene, nanti nababombela ichi pakulichindika itabwa lyane, ntakwiza pakubabombela ukuyana ni zila zyinyu imbibi sona ni.’ ” U Mwene Uwamaka Ghosi anena.

Ezekiyeli 20:9

Nkabomba bunubu pachifukwa ichakulivighilila itabwa lyane ukuti litakanyaziwanje pamaso pa inko zizyo aba Izilayeli bakikalagha pakasi papabo, zizyo zikanyennya bo nkubefya aba Izilayeli muchisu icha Ijiputi.

Daniyeli 9:19

Eee Mwene teghelezya. Wee Mwene utuhobokele. Wee Mwene, ivwa sona bombapo zimo! Wee Chala utakakabaye! Umwakuti abantu bosi bamanye ukuti we Chala, pachifukwa ichakuti akaya kako akakulu nkani sona na bantu bako bamanyikwe pachifukwa icha Itabwa lyako.”

Daniyeli 9:9

U Mwene u Chala witu wachisa nkani sona waluhobokelo nkani, napapo twamusambukila.

Malaki 2:2

Nanti mutakunyivwila, sona nanti mutakulichindika itabwa lyane, nkwiza pakubaghuna, nkwiza pakulughuna ulusayo lwinyu. Naloli invighunite kale pachifukwa ichakuti mutaghateghelezya amazyu ghane.

Aba Efeso 1:6

Zagha tumupale u Chala pachifukwa icha chisa chache icha buchindamu pakutupa umwana wache umughaniwa ukuti abanje chabupi bulo.

Yoshwa 7:9

Pakuti aba Kenani, na bantu bosi aba muchisu chinichi bakwiza pakwivwa zinizi, po bakwiza pakutuzyungulila nukughazimya amatabwa ghitu muchisu ichapasi. Nkimba panapa ukwiza pakubombapo choni ukuti itabwa lyako lyendelele pakuchindikiwa?”