Masalimo 79:4 - IBAYIBOLO 2024

⁴ Twaba twe chintu ichakusekesya pakasi pa bapalamani bitu, sona abantu babo batuzyunguliye bakutuseka nukutobezya.

Masalimo 79:4 Iomraidhean Croise

1 Abamwene 9:7

po nkwiza pakubefyamo aba Izilayeli muchisu chicho nabapiye. Nkwiza pakuyikana Inyumba yiyo nayipaghula ukuti nchindikiliwanjemo. Aba Izilayeli bakwiza pakuba kapangwi bulo sona ni chakusekiwa pakasi pabantu bosi.

Nehemiya 1:3

Bakanyamula bakati, “Abantu babo bakasyala bumi nukunyokela ku chisu chabo bali muntamyo inkulu nkani sona bali pakusamuliwa nkani. Lope ulupaso ulwa kaya akakulu nkani aka Yelusalemu lwamongoliwa sona inyiyi zyache zyochiwa.”

Nehemiya 2:19

Loli bo u Sanibalati uwamu Holoni nu Tobiya umu Amoni, sona nu Geshemu umu Alabu bivwa zinizi, bakatuseka nukutobezya ukuti, “Nkimba mukubomba ichoni? Nkimba mumusambukiye u mwene?”

Masalimo 80:6

Watupela pakuba bantu abasamuliwa pakasi pa bapalamani bitu, bope abalwani bitu bakutobezya.

Masalimo 89:41

Abantu bosi babo bakudumusannya palapala bakumufyula, po abapalamani bache bosi bakumobezya.

Yesaya 43:28

Pachifukwa chinichi abalaghili aba chisu, babunyazizye Ubuzilo Ubuzelu, po nkubuka nukubanangannya aba Izilayeli, nkwiza pakubaleka abantu bane ukuti basamuliwanje.”

Yelemiya 24:9

Nkwiza pakubapela pakuba chintu ichakoghofya muvyisu vyosi ivya pasi, ichintu ichakusamuliwa, ichintu chicho chite nimbombo nayimoyimo, ichintu ichakusekiwa nicha kughuniwa kosi kuko nkubachimbizizyako.

Yelemiya 25:18

Ku Yelusalemu sona na mutwaya utwa Yuda, na bamwene na makambala pakubapela pakuba chisami, nukuba chintu ichakoghofya, nicha kusekiwa nukughuniwa ngati mumo babeleye ilelo,

Yelemiya 42:18

U Mwene Uwamaka Ghosi, u Chala uwa Izilayeli akuti, ‘Ngati mumo ubukali bwane sona nukoghofya kwapunguliliwa ku bantu babo bakwikala mu Yelusalemu, momumo ubukali bwane bukwiza pakupunguliliwa papinyu bo mukubuka ku Ijiputi. Mukwiza pakuba chintu chicho abantu bakuchighuna sona nichakoghofya, ni chamusamu pamo ichakusekiwa, mutakwiza pakubwennya sona ubuzilo bula.’ ”

Yelemiya 51:51

“Mukuti, ‘Twakoziwa isoni, pakuti twasamuliwa, ivyeni vyitu vili nisoni, pakuti abantu abayeni binjila mu Buzilo Ubuzelu ubwa Nyumba iya Mwene.’

Nkuto 1:11

Abantu bache bosi bakukoloma, bo bali pakulonda ivibama. Bakughulizannya ubukabi bwabo ni chikulya, umwakuti babanje nubumi. “Wee Mwene, unyennye ni chisa, pakuti nkusamuliwa nkani.”

Nkuto 5:1

Wee Mwene kumbuka zizyo zyatuwila, sona ennya namumo bakutukozezya isoni.

Ezekiyeli 22:5

Abantu babo bali papipi na bantu babo bali kubutali bakwiza pakukobezya, awe we wankalo imbibi nuwalombwa.

Ezekiyeli 35:12

Po mukwiza pakuzimanya ukuti ane ne Mwene nivwa umusamu winyu, ghugho mukaghasamulagha amaghamba agha Izilayeli. Mukati, “Ghaba visami sona ghapeghiwa kukwitu ukuti tughalye.”

Ezekiyeli 36:15

Ntakwiza pakubapela ukuti mwivwanje intuko izya inko, sona mutakwiza pakusekiwa na bantu pamo pakuzipela inko zyinyu ukuti ziwe, u Mwene Uwamaka Ghosi anena.’ ”

Ezekiyeli 36:3

Polelo laghula ukuti, ‘U Mwene Uwamaka Ghosi akuti: Pakuti inko izinji zikabalema nukubafyula amaghamba agha Izilayeli, umwakuti mwaba mpyana iya inko zizyo zikasyalako, sona ichakusekiwa icha bantu babo bakabayebagha,

Daniyeli 9:16

Wee Mwene, ukuyana ni mbombo zyako ingolosu, tonta umoyo sona efyako ubukali bwako pa Yelusalemu akaya kako akakulu nkani, sona ighamba lyako izelu. Imbibi zyitu sona nu bubibi ubwa banyenya bitu vyamupela u Yelusalemu na bantu bako pakuba chakusesya pakasi pabapalamani bitu bosi.

Zefaniya 3:18

“Pa masiku agha lusekelo nkwiza pakwefya intamyo kukwinyu, umwakuti mutakakoziwanje isoni nalumolumo.

Zekaliya 8:13

Mwee ba Yuda naba Izilayeli, ukuyana namumo mukabela mwe nguno pakasi pa inko, po nkwiza pakubapoka sona mukwiza pakuba mwe lusayo. Mutakanyilaye, loli mubanje na maka.”

Ukukumbusya Amalamulo 28:37

Abantu aba inko zyosi zizyo u Mwene akwiza pakubanyampanikizyako bakwiza pakuba nubogha. Bakwiza pakubaseka nukubobezya.