Masalimo 78:71 - IBAYIBOLO 2024

⁷¹ Akamusenda kuko akadimagha ing'ozi ukuti abanje mudimi uwa luko ulwa Yakobo, u Izilayeli, ichilingo chache.

Masalimo 78:71 Iomraidhean Croise

Ubwandilo 33:13

Loli u Yakobo akati, “Wee mwene wane, uzimenye ukuti abana aba balita, sona imbaghiye pakuzisungilila ing'ozi ni ng'ombe zizyo zili na bana. Nanti navivulunga nkani nukwenda napapo lisiku lyoka, vyosi vikwiza pakufwa.

2 Samuweli 20:19

Aswe tukulonda umutende, sona twe bantu abasubiliwa muchisu icha Izilayeli. Awe ukuyezya pakukanangannya akaya akakulu nkani aka, kako we nyina mu Izilayeli. Nkimba choni chicho ukulonda pakuchizimizya ichilingo icha Mwene?”

2 Samuweli 24:17

Bo u Devedi amwennya uwantumi yuyo akabakoma abantu bala, akamubuzya u Mwene akati, “Nene nananga, sona nabomba imbibi. Nkimba abantu banaba babomba choni? Unfunde ane na bamunyumba yane.”

2 Samuweli 5:2

Kale bo u Sabuli we mwene witu, awe ukabalongolela aba Izilayeli kubwite, sona u Mwene akakubuzya akati, ‘Ukwiza pakuba we mulaghili uwa bantu bane aba Izilayeli, sona ukwiza pakuba we mwene wabo.’ ”

2 Samuweli 7:8

“Losi ulu umubuzye umubombi wane u Devedi uti, ‘U Mwene Uwamaka Ghosi akuti: Nkakwefyako kuludimo kuko ukadimagha ing'ozi ukuti ubanje we mulaghili uwa bantu bane aba Izilayeli.

1 Imbili 11:2

Kale bo u Sabuli we mwene witu, awe ukabalongolela aba Izilayeli kubwite. U Mwene u Chala witu akakubuzya akati, ‘Ukwiza pakuba we mulaghili uwa bantu bane aba Izilayeli, sona ukwiza pakuba we mwene wabo.’ ”

Masalimo 28:9

Ubapokaye abantu bako nukuyisaya impyana yako. Ubanje we mudimi wabo, sona ubasungililaye bwila na bwila.

Yesaya 40:11

Akuzidima ing'ozi zyache ngati mudimi. Akutubunganika utwana utwa ng'ozi, nukutupakata munyobe zyache, nukuzilongozya akiza zizyo zili nutwana.

Matayi 2:6

‘Wee Betelehemu, muchigaba icha Yudeya ute we munandi uwabumalilo pakasi patwaya tosi utwa mu Yudeya. Mumwako mukwiza pakufumamo umulongozi, yuyo akwiza pakubalongozya abantu bane aba Izilayeli.’ ”

1 Pitala 5:2

ukuti: Mudimaye umudimo uwa ng'ozi zizyo u Chala akubapa. Mughusungilile umwakusita kufyengiwa, ukuyana namumo u Chala akulondela ukuti mubombelaye. Mutakabombaye imbombo yinyu nu moyo uwakunyonywa indalama, loli mubombaye nu moyo uwakunyonywa pakubomba.

1 Samuweli 10:1

U Samuweli akasenda ibotolo ilya mafuta nukughapungulila pamutu uwa Sabuli, po akamufyofyonta. Akanena akati, “U Mwene akupakazya ukuti ubanje we mwene uwa bantu bache aba Izilayeli. Ukwiza pakubalaghila abantu bache nukubapoka munyobe izya balwani babo.