Masalimo 78:7 - IBAYIBOLO 2024

⁷ Pakubomba bunubu, bamusubilaye u Chala, umwakuti batakaluvyanje zizyo ababombela, loli baghakonkaye amalamulo ghache akabalilo kosi.

Masalimo 78:7 Iomraidhean Croise

Masalimo 103:2

Wee moyo wane, umupalaye u Mwene, utakaluvyanje ivyiza vyache vyosi.

Masalimo 105:45

Akabomba bunubu ukuti abantu bache baghakonkaye, amalamulo ghache ni ndaghilo zyache. U Mwene apaliwanje.

Masalimo 105:5

Kumbuka iviswigho vivyo abomba, ni vyika sona nu bulongi bubo akafumusya,

Masalimo 146:5

Musayiwa umuntu yuyo umwavwilizi wache we Chala uwa Yakobo, yuyo amusubiye u Mwene u Chala wache,

Masalimo 40:4

Musayiwa umuntu yuyo amusubiye u Mwene wache, yuyo atakubadepukila abantu abakwituvya, kubabo bakupulumpila ku bachala abamyasi.

Masalimo 62:5

Umoyo wane ghukuba bulo myee, pakumulindilila u Chala wane, ulusubilo lwane luli mumwache.

Masalimo 91:14

U Mwene akuti, “Pachifukwa ichakuti anganite, nkwiza pakumupoka. Nkwiza pakumupoka pachifukwa ichakuti akunyitika.

1 Aba Kolinti 11:24

Akamupalizya u Chala, po akachimenyannya nukuti, “Ughu gho mubili wane, ghugho wapeghiwa pachifukwa icha mwemwe. Mubombaye ichi ukuti munkumbukilayepo.”

Ukukumbusya Amalamulo 4:9

Mubanje maso, sona muchebaye ukuti mutakaluvyanje ivintu vyosi vivyo mukuvyennya na maso ghinyu, pamo ukuvizimya mumoyo ghinyu mukabalilo kosi aka bumi bwinyu. Mubabuzye abana binyu na bizukulu binyu bulo.

Ukukumbusya Amalamulo 5:29

Ane nalondagha nkani ukuti inyinong'ono zyabo ngali zili bunubu amasiku ghosi, sona nukuti ngali bakunchindika nukuzikonka indaghilo zyane zyosi, umwakuti ivintu vyosi vibendelaye akiza, poka na baluko lwabo bwila na bwila.

Ukukumbusya Amalamulo 6:12

muchebaye nkani ukuti mutakamuluvyanje u Mwene yuyo akabefyamo mu Ijiputi mumo mukaba mwe bazya.

Ukukumbusya Amalamulo 6:21

Po mubamulaye ukuti, “Aswe tukaba twe bazya aba Falabo mu Ijiputi, loli u Mwene akatwefyamo na maka ghache amakulu.

Ukukumbusya Amalamulo 6:25

Nanti twe basubiliwa pakukonka indaghilo zyache zyosi pamaso pa Mwene ukuyana namumo akatulamulila, akwiza pakuhoboka naswe.”

Ukukumbusya Amalamulo 8:11

Mwenelezye nkani ukuti mutakamuluvyanje u Mwene u Chala winyu. Mutakapotwe pakughakonka amalamulo ghache ni ndaghilo zyache zizyo nkubapa ilelo.

Ukukumbusya Amalamulo 8:2

Mukumbukaye namumo u Mwene u Chala winyu akabalongolela munkolongo amaka 40 pakubawisizya amayimba ukuti abayelaye umwakuti aghamanye amoyo ghinyu nanti mungaghakonka amalamulo ghache.

1 Pitala 1:21

Amwe mukumusubila u Chala ukwendela mumwache, yuyo akamuzyusya kubufwe nukumupa ubuchindamu. Po ulwitiko nu lusubilo lwinyu vikwennya kwa Chala.

1 Yohani 5:3

Pakuti ukumughana u Chala kokuti tukukonka amalamulo ghache. Amalamulo ghache ghate makafu kukwitu.

Ubuvumbuli 14:12

“Panapa pakulondiwa ukuti abantu abazelu aba Chala babanje bajivu nkani, babo bakukonka amalamulo agha Chala, sona babo bakwendelela pakumusubila u Yesu.”