Masalimo 78:43 - IBAYIBOLO 2024

⁴³ pisiku lilyo akapela ivyika mu Ijiputi, sona ni viswigho vyache muchigaba icha Zowani.

Masalimo 78:43 Iomraidhean Croise

Nehemiya 9:10

Ukabomba ivyika ni viswigho pamaso pa Falabo na makambala ghache ghosi sona na bantu bosi aba muchisu chila, pachifukwa ichakuti ukabennya namumo bakabayivizizyanga aba Ijiputi. Ichi cho chifukwa imbili yako yichili yilipo mupaka nilelo bulo.

Masalimo 135:9

Wee Ijiputi! U Chala akabomba ivimanyilo ni viswigho pakasi papako umwakuti amufunde u Falabo sona na babombi bache bosi.

Masalimo 78:12

Akabomba ivyika pamaso pa banyenya babo muchisu icha Ijiputi, muchigaba icha Zowani.

Ukufuma 4:21

U Mwene akamulamula sona u Mozesi akati, “Bo wanyokela ku Ijiputi, bukagha pamaso pa Falabo nukubomba iviswigho vyosi vinivi. Loli nkwiza pakughupela umoyo uwa Falabo pakuba mukafu nkani, umwakuti atakwiza pakubitikizya abantu ukuti babukaye.

Ukufuma 7:3

Loli nkwiza pakughupela umoyo uwa Falabo pakuba mukafu. Napapo nkwiza pakupela ivyika ni viswigho ivyinji nkani mu Ijiputi,

Imbombo 7:7

Loli nkwiza pakuzifunda inko zizyo zikwiza pakukubombela pakuba bazya, pisinda pache abaluko lwako bakwiza pakwepamo muchisu chilachila nukunyiputa pabuzilo ubu.’

Ukukumbusya Amalamulo 4:34

Nkimba alipo u chala uyunji yuyo akayezyapo lumo pakubefya abantu bache muchisu icha bantu aba inko izinji ukuti babanje bantu abache na bache ukuyana namumo u Mwene u Chala winyu akabombela namwe mu Ijiputi? Akabomba zinizi na maka amakulu nkani, bo mukwennya na maso ghinyu. Akabawisizya iviwaya nubwite, akabomba ivyika ni viswigho, sona ni vintu ivyakoghofya.

Ukukumbusya Amalamulo 6:22

Na maso ghitu tukamwennya u Mwene akupela ivyika ni viswigho, nukubomba ivintu ivyakoghofya pakubafunda aba Ijiputi nu Falabo, sona na bamunyumba yache bosi.