Masalimo 78:37 - IBAYIBOLO 2024

³⁷ Amoyo ghabo ghatakaba masubiliwa kukwache, batakasunga ulufingo lwache.

Masalimo 78:37 Iomraidhean Croise

1 Abamwene 19:10

U Eliya akamula akati, “Wee Mwene u Chala Uwamaka Ghosi, ane nakubombelagha nu lweke akabalilo kosi. Loli aba Izilayeli balunangannya ulufingo lwako, bavimongolannya ivighemo vyako, sona babaghoghite abalaghuzi bako. Nasyala nemwene, pope bulo bakulonda pakungogha!”

Masalimo 119:80

Umoyo wane ghutakabanje ni chilema nachimochimo pandaghilo zyako, umwakuti Intakakoziwanje isoni.

Masalimo 51:10

Wee Chala, umpelele umoyo umuswepu, sona ubikayemo mukasi mumwane umuzimu umupya nu wamaka.

Masalimo 78:8

Po batakabanje ngati banyenya babo, inkulilo yiyo yitakwivwila sona ni yakusambuka, abantu babo amoyo ghabo makafu kwa Chala, sona imizimu yabo te misubiliwa kwa Chala.

Yelemiya 31:32

Lutakwiza pakuba sona ngati lufingo ulwakale lulo ingafingana na banyenya binyu bo nkubalema pa nyobe nukubefyamo muchisu icha Ijiputi. Pachifukwa ichakuti bakanangannya ulufingo, napapo nkaba ngati ne mulume wabo umusubiliwa.” U Mwene anena.

Ezekiyeli 16:30

“ ‘U Mwene Uwamaka Ghosi akuti: Umoyo wako mudedebazu nkani, wabomba zyosi zinizi ngati mukolo umalaya yuyo ate ni soni nazimozimo.

Hoseya 10:2

Amoyo ghabo mazimbuli, po bafundiwanje pachifukwa icha mbibi zyabo. U Mwene akwiza pakuvimongolannya ivighemo vyabo, nukuvinangannya ivikumbusyo vyabo ivya mabwe amapaghuliwa.

Hoseya 7:14

Batakundaba na moyo ghabo ghosi, loli bakulila pavitala vyabo. Pachifukwa ichakulonda ingano nu vinyo umupya, po bakunsambukila.

Hoseya 7:16

Batakunyokela ku Uwakumwanya Nkani, bali ngati bwele bubo bupyokite. Abalongozi babo bakwiza pakughoghiwa nupanga, pachifukwa ichakuti bakutamanta. Po bunubu bakwiza pakusamuliwa muchisu icha Ijiputi.

Imbombo 8:21

Ute ni chigaba pamo ubuzilo mumbombo yitu pakuti umoyo wako ghute mugholosu pamaso pa Chala.

Ukukumbusya Amalamulo 31:20

Bo nabinjizya muchisu icha mboto, ukuyana namumo nkalapila nabanyenya babo, bakwiza pakuchagha ichakulya chosi chicho bangachilonda, sona bakwiza pakufwasa nkani. Abantu banaba bakwiza pakunkana, bakwiza pakubiputa abachala abanji, nukulunangannya ulufingo lwane.