Masalimo 78:35 - IBAYIBOLO 2024

³⁵ Bakamukumbuka ukuti u Chala akaba lyalabwe lyabo, u Chala Uwakumwanya Nkani we mutabuli wabo.

Masalimo 78:35 Iomraidhean Croise

Masalimo 106:13

Loli lubilolubilo bakaluvya vyosi vivyo akababombela, umwakuti bakasulannya amahala ghache.

Masalimo 106:21

Bakamuluvya u Chala yuyo akabapoka, yuyo akabomba ivintu ivikulu nkani mu Ijiputi,

Masalimo 74:2

Ubakumbukaye abantu bako babo ukisalila wemwene kale, abantu babo ukabatabula, ukuti babanje bachilingo chako. Ulikumbukaye Ighamba ilya Ziyoni papo ukikalagha.

Masalimo 78:11

Bakaluvya ivintu vivyo akababombela, sona ni vyika vivyo akabalanjizya.

Masalimo 78:42

Bakaghaluvya amaka ghache, pisiku lilyo akabapoka munyobe izya balwani babo,

Masalimo 78:7

Pakubomba bunubu, bamusubilaye u Chala, umwakuti batakaluvyanje zizyo ababombela, loli baghakonkaye amalamulo ghache akabalilo kosi.

Ukufuma 15:13

“Mulughano lwako lulo lutakupotwangapo nalumolumo, ukabalongolela abantu bako babo ukabatabula. Na maka ghako amakulu, ukabalongozezya kubuzilo bwako ubuzelu.

Ukufuma 6:6

“Polelo ubabuzye aba Izilayeli amazyu ghane aghakuti, ‘Ane ne Mwene, nkwiza pakubatabula kubuzya ubwa ba Ijiputi pakubombezya amaka ghane amakulu, sona ni viswigho ivyamaka.

Yesaya 41:14

“Wee somi, Yakobo utakanyilaye, mwe bantu aba mu Izilayeli mutakanyilaye! Nkwiza pakubavwa, ane ne Mutabuli sona u Muzelu uwa Izilayeli.

Yesaya 44:6

U Mwene Uwamaka Ghosi, u Chala Umutabuli uwa Izilayeli akuti, “Ane ne bwandilo sona ne bumalilo, atalipo u Chala uyunji loli ane nemwene.

Yesaya 48:17

U Mwene Umutabuli, Umuzelu uwa Izilayeli akuti, “Ane ne Mwene u Chala winyu, yuyo akubamanyisya ukuti mwennye ubwiza, sona akubalongozya izila iya kwendamo.

Ukukumbusya Amalamulo 15:15

Mukumbukaye ukuti namwe bulo mukaba mwe bazya mu Ijiputi, sona u Mwene u Chala winyu akabapoka. Ichi cho chifukwa ilelo nkubapa ilamulo linili.

Ukukumbusya Amalamulo 32:15

Aba Izilayeli bakaba bakabi nkani, loli bakunsambukila. Bakina nkani, sona bakalya nukuvimbilwa. Pisinda pache bakamuleka u Chala wabo yuyo akabapela, nukulikana Ilyalabwe, yuyo Mupoki wabo.

Ukukumbusya Amalamulo 32:4

U Mwene we Lyalabwe, sona imbombo zyache zyakufikapo, izila zyache zyosi ngolosu. U Chala we musubiliwa, yuyo atakubombapo nayimoyimo imbibi, sona we Chala umugholosu nu wanaloli.

Ukukumbusya Amalamulo 7:8

Loli chikaba chifukwa ichakuti u Mwene akabaghana, sona nukuti akalondagha ukuti ilayizyo lilyo akabalayizya abanyenya binyu ilyakuti akwiza pakubapoka amwe kubuzya na maka ghache amakulu nkani munyobe izya Falabo uwaku Ijiputi.

Ukukumbusya Amalamulo 9:26

Po nkiputa nkati, “Wee Mwene Uwamaka Ghosi, utakabanangannye abantu bako, babo yo mpyana iyako ni yako, abantu babo ukabapoka mu Ijiputi na maka ghako amakulu.

Titi 2:14

Akiyipa mwene pachifukwa icha sweswe ukuti atusatule ku bubibi bwitu bosi nukuti tubanje bantu bache abazelu, babo balweke pakubomba imbombo inyiza.