Masalimo 78:22 - IBAYIBOLO 2024

²² pachifukwa ichakuti batakamusubila u Chala pamo ukubusubila ubupoki bwache.

Masalimo 78:22 Iomraidhean Croise

2 Abamwene 17:14

Loli aba Izilayeli batakivwilagha, sona bakaba na moyo amakafu nkani ngati mumo bakabela abanyenya babo, babo batakamusubila u Mwene u Chala wabo.

Masalimo 106:24

Abantu bakachisulannya ichisu ichamboto chilachila, umwakuti batakalisubila ilayizyo lyache.

Yesaya 7:9

Akaya akakulu nkani aka Samaliya we mutu uwa Efulayimu, u mwana uwa Lemaliya weyuyo akulaghila mu Samaliya. Nanti mutakwima nkani mu lwitiko lwinyu, mutakwiza pakwikalana.’ ”

Zefaniya 3:2

Katakumwivwila nayumoyumo, sona katakwitika ukuchemeliwa. Katakumusubila u Mwene, katakupalamila kwa Chala wache.

Ukukumbusya Amalamulo 1:32

Loli napapo nkanena vyosi vinivi, pope bulo amwe mutakamusubila u Mwene, u Chala winyu.

Aba Hebeli 11:6

Sona ukusita pakuba nu lwitiko, chipala nkani pakumuhobosya u Chala, pakuti umuntu wesi yuyo akwiza kukwache asubilaye ukuti u Chala aliko, sona nukuti akubapa umuvwalo abantu babo bakumulondelezya.

Aba Hebeli 3:12

Mwee bakamu bane, muchebaye ukuti atakabepo nayumo umuntu mumwinyu uwa moyo umubibi, sona nu musita ukusubila, ghugho ghungamulesannya nu Chala umumi.

1 Yohani 5:10

Po umuntu wesi yuyo akumusubila u Mwana uwa Chala ali nalo ulusimikizyo lunulu mumoyo wache. Loli umuntu wesi yuyo atakumusubila u Chala, ipela mwene pakuba mumyasi, pachifukwa ichakuti atakusubila ulusimikizyo lulo u Chala akasimikizya nizya Mwana wache.

Yuda 1:5

Napapo muzimenye kale zinizi, nkulonda imbakumbuzye namumo u Mwene akabapokela abantu bache aba Izilayeli ukufuma mu Ijiputi. Loli pisinda pache akabanangannya abantu babo batakamusubilagha.