Masalimo 77:18 - IBAYIBOLO 2024

¹⁸ Ukupaya kwako kukivwika mukankungu, kope akamesya kakanyampana pachisu ichapasi, po ichisu ichapasi chikatetema nukuyingana.

Masalimo 77:18 Iomraidhean Croise

2 Samuweli 22:14

U Mwene akajilimisya kumwanya, sona izyu ilya Uwakumwanya Nkani likivwika.

2 Samuweli 22:8

“Ichisu ichapasi chikatetemagha nukukayingana, ulwalo ulwa kumwanya lukayingana, lukayingana pachifukwa ichakuti akakalala.

Masalimo 104:7

Loli bo waghachemela, amizi ghala ghakachimbila. Bo ghivwa ukujilimisya kwako, ghakasata lubilolubilo nkani,

Masalimo 18:14

Akatusumba utulasilo twache nukubanyampannya abalwani bache, sona utumesya utukulu nkani tukabachimbizya.

Masalimo 18:15

Amakombe agha nyanja ghakaba pabuzelu. Ulwalo ulwa chisu ichapasi lukabonekela pabuzelu. Bo u Mwene akubachemela abalwani bache, sona bo akulufutila nu muyi uwa mumpuno zyako.

Masalimo 18:7

Ichisu ichapasi chikatetemagha nukukayingana, sona ulwalo ulwamaghamba lukayinganagha, pachifukwa ichakuti akakalala.

Masalimo 97:4

Akamesya kache kakuchilamizya ichisu ichapasi, sona ichisu ichapasi chikukennya nukutetema.

Ukufuma 19:16

Pandabindabi pisiku ilyabutatu kukaba ukupaya na kamesya. Ibingu ifitu likaboneka pighamba, sona kukivwika ukulila ukukulu ukwa lipati. Abantu bosi muvisakasa mula bakatetemagha pachifukwa icha bogha.

Ukufuma 19:18

Ighamba lyosi ilya Sinayi likakupikiliwa ni lyosi, pachifukwa ichakuti u Mwene akikila pighamba pala mumoto. Ilyosi likakwelagha kumwanya ngati lya mumuvuno, sona abantu bosi bakatetemagha pachifukwa icha bogha.

Habakuku 3:4

Inkozyo zyache zikaba ngati lizuba ukulama kwache kukafuma munyobe yache mumo mukavwama amaka ghache.

Matayi 27:51

Panapo na panapo umwenda uwakuzighila mu Nyumba iya Chala ghukazepuka pakasi ukwandila pamwanya mupaka muntende. Kukaba akasenyenta pachisu ichapasi, sona amabwe ghakalepunkana.

Matayi 28:2

Umwalubilolubilo kukaba akasenyenta akakali nkani pakuti uwantumi uwa Mwene akika kumwanya. Akabunguluzya ibwe lila nukwikalapo.

Ubuvumbuli 11:19

Inyumba iya Chala kumwanya yikighuka, sona Ibokosi ilya Lufingo likaboneka mulamula. Po kukabako ukumesya ukwa kamesya, ichongo nukupaya, akasenyenta ni vula iya mabwe aghamaka.

Ubuvumbuli 18:1

Bo vyachilapo vinivi, nkennya uwantumi akwika kumwanya. Akaba nu bulaghili ubukulu nkani, sona ubuchindamu bwache bukalamila ichisu chosi icha ichapasi.

Ubuvumbuli 20:11

Po nkennya ichitengo icha bumwene ichikulu ichiswepu, sona na yuyo akikalapo. Ichisu ichapasi na kumwanya vikachimbila pantazi papache, sona vitakaboneka sona.

Abalongi 5:4

Wee Mwene, bo wepapo pighamba ilya Seyili, sona bo wiza muchisu icha Edomu, ichisu ichapasi chikaneng'ena, sona ivula yikatima. Eee, amabingu ghakasunguluka kumwanya nukupungulila amizi.