Masalimo 77:14 - IBAYIBOLO 2024

¹⁴ Awe we Chala wewe ukupela ivyika, ukulanjizya amaka ghako pakasi pa inko.

Masalimo 77:14 Iomraidhean Croise

Masalimo 105:5

Kumbuka iviswigho vivyo abomba, ni vyika sona nu bulongi bubo akafumusya,

Masalimo 106:8

Loli akabapoka pachifukwa icha itabwa lyache, ukuti amaka ghache amakulu nkani ghamanyikwe.

Masalimo 136:4

Mumupalizyanje u mwene yuyo akubomba iviswigho ivikulu nkani. Ulughano lwache lwa bwila na bwila.

Masalimo 68:25

Abimbi balongoleye, sona abakulizya ivyakwimbila bali kwisinda, bo abalindu bakulizya ivisekeseke bali pakasi.

Masalimo 72:18

U Mwene u Chala uwa ba Izilayeli apaliwanje, weyuyo mwene akubomba ivyakuswighisya.

Masalimo 86:10

Pakuti we mukulu nkani sona imbombo zyako zyakuswighisya. Awe wemwene mpela we Chala.

Ukufuma 13:14

“Muntazi, nanti abana binyu bakubalalusya ukuti, ‘Nkimba ichi chikung'anamula ichoni?’ Mubamulaye ukuti, ‘U Mwene akatwefyamo mu Ijiputi, ichisu icha buzya na maka ghache amakulu.

Ukufuma 15:11

“Wee Mwene, nkimba alipo u chala uyunji, yuyo ayanite nawe? Nkimba wewenu ayanite nawe, we muchindikiwa sona we muzelu? Nkimba wewenu angayana nawe, pakupela ivyika ni viswigho?

Ukufuma 15:6

Wee Mwene, inyobe yako indilo, yamaka nkani, yabatizannya abalwani.

Yesaya 51:9

Vundumuka, vundumuka! Mujimbaye, Wee nyobe iya Mwene, vundumuka ngati mumo ukabombelagha, mumasiku ghagho ghachilapo pakabalilo aka nkulilo iya kale. Nkimba utakaba wewe ukamudumulannya u Lahabu muvipuza, nukuyilasa injoka yila?

Yesaya 52:10

U Mwene akwiza pakulanjizya amaka ghache amazelu, pantazi pa inko zyosi, sona ubumalilo bosi ubwa chisu bukwiza pakubwennya ubupoki ubwa Chala witu.

Daniyeli 3:29

Polelo nkudumula ukuti nanti balipo abantu aba inko yimo nuluko pamo ineno iyakulekanalekana, yikumusamula u Chala uwa Shadiliki nu Meshaki, sona nu Abedinego, yidumuliwanje mutuvigaba, sona yope ni nyumba yabo yimongoliwanje, pakuti atalipo uchala uyunji yuyo angapoka ngati bunubu.”

Daniyeli 6:27

Akumwimila umuntu sona akumupoka, akupela iviswigho ni vyika, kumwanya na pachisu ichapasi. Amupoka u Daniyeli kumaka agha nkalamu.”

Ubuvumbuli 15:3

Bakimba ulwimbo ulwa Mozesi, umubombi uwa Chala, sona nu lwimbo ulwa Mwana uwa ng'ozi ukuti, “Wee Mwene Chala Uwamaka Ghosi, imbombo zyako nkulu sona zyakuswighisya nkani! Wee Mwene uwa inko zyosi, izila zyako zyanaloli sona ngolosu.