Masalimo 76:8 - IBAYIBOLO 2024

⁸ Ukafumusya ubulongi bwako Ukufuma kumwanya, Sona ichisu ichapasi chikanyilagha, nukuba bulo myee,

Masalimo 76:8 Iomraidhean Croise

2 Abamwene 22:13

“Buka mumbuzikizyeko kwa Mwene, sona na mubuzilo ubwa bantu bosi aba mu Yuda pamazyu ghagho ghakasimbiwa mwibuku lilyo lyaghiwa. Pakuti u Mwene atukalalila nkani, pachifukwa ichakuti abanyenya bitu batakivwila amazyu agha mwibuku ili, sona batakabomba zizyo amazyu ghosi ghagho ghasimbiwe aghakunena nizya aswe.”

1 Imbili 16:25

Pakuti u Mwene we mukulu, yuyo amapalo ghope ghamubaghiye nkani sona abantu bosi bamunyilaye ukubachila abachala abanji.

1 Imbili 16:30

Wee chisu chapasi, tetemagha pamaso papache. Ichisu ichapasi chikalanite nkani, sona chitangayingana napo panandi.

Nehemiya 1:5

Po nkati, “Wee Mwene Chala uwakumwanya, we Chala umukulu nu wakoghofya, sona we ukusunga ulufingo. Ukubaghana abantu babo bakukughana nukughakonka amalamulo ghako.

Yobu 25:2

U Chala wemwenecho uwa bulaghili, po abantu bosi bamunyilaye. Akwikazya umutende mubumwene bwache ubwa kumwanya nkani.

Masalimo 46:10

“Banga bulo myee, sona uzimanye ukuti ne Chala, sona abantu aba inko izinji bakwiza pakumpala, bope abantu aba muchisu ichapasi bakwiza pakunkwezya.”

Ukufuma 19:10

U Mwene akamulamula u Mozesi akati, “Bukagha ku bantu ukuti ilelo ni ndabi biswefye nukuchapa amenda ghabo.

Yelemiya 10:10

Loli u Mwene we Chala uwanaloli, we Chala umumi, u Mwene uwa bwila na bwila. Bo akalala, ichisu ichapasi chikutetema, inko zitangajimba nu bukali bwache.

Yelemiya 49:19

“Ngati nkalamu yiyo yikufuma mumusitu uwa Yolodani, yikuyichimbizya ing'ozi, nkwiza pakumuchimbizya u Edomu, muchisu chache umwalubilolubilo. Pisinda pache nkwiza pakubimikila yuyo imusalite. Nkimba wewenu yuyo ayanite nane, sona nkimba wenu yuyo angambika pabulongi? Nkimba mudimi wenu yuyo angalwana nane?

Nahumu 1:6

Nkimba wewenu yuyo angimilila bo akalaye? Nkimba wewenu yuyo angajimba ubukali bwache ubwakoghofya? Ubukali bwache bukwaka ngati moto, sona ilyalabwe likulepunkana pamaso papache.

Habakuku 2:20

Loli u Mwene ali Munyumba yache izelu, leka ichisu chosi ichapasi chibe myee pamaso papache.

Zekaliya 2:13

Mwe bantu mwebosi, mubanje bulo myee pamaso pa Mwene, pakuti avundumuka ku buzilo bwache ubuzelu bubo akwikalako.

Abalongi 5:20

Zyope intondwa zikalwa ubwite kumwanya, bo zikudumusannya mumwanya pakulwa ubwite nu Sisela.