Masalimo 76:7 - IBAYIBOLO 2024

⁷ Awe wemwene we wakoghofya. Nkimba wewenu angimilila pamaso papako, nanti ukalaye?

Masalimo 76:7 Iomraidhean Croise

1 Imbili 16:25

Pakuti u Mwene we mukulu, yuyo amapalo ghope ghamubaghiye nkani sona abantu bosi bamunyilaye ukubachila abachala abanji.

Ezila 9:15

Wee Mwene, u Chala uwa Izilayeli, we mugholusu. Watwitikizya ukuti ilelo tusyale bumi. Ennya tuli pamaso papako aswe twe bantu ababibi, napapo nayumoyumo pakasi papitu angimilila pamaso papako.”

Masalimo 130:3

Wee Mwene, nanti ukazibelengagha imbibi, nkimba wewenu yuyo angapona?

Masalimo 2:12

Mumuchindikaye lumo angabakalalila nukubanangannya, pakuti ubukali bwache bukwaka lubilolubilo. Basayiwa bosi babo bakuchimbilila kukwache.

Masalimo 89:7

Bakumunyila nkani u Chala mulukomano uluzelu nkani, sona wakuswighisya ukubachila bosi babo bamuzyunguliye

Masalimo 90:11

Nkimba wewenu yuyo abumenye ubukalale ubwa maka ghako? Nkimba wewenu akumenye ukunyila ukwa bukali bwako?

Ukufuma 15:1

Po u Mozesi naba Izilayeli bakamwimbila u Mwene ulwimbo ulwakuti, “Nkwiza pakumwimbila u Mwene, pakuti alanjizya ubupoti bwache ubukulu nkani akazisumbila ifalasi poka na bendezya ingolo munyanja.

Ukufuma 15:4

“Akazisumbila ingolo izya bwite na basilikali aba Falabo munyanja, akabibizya abasilikali bache abamaka mu Nyanja Inchesamu.

Nahumu 1:6

Nkimba wewenu yuyo angimilila bo akalaye? Nkimba wewenu yuyo angajimba ubukali bwache ubwakoghofya? Ubukali bwache bukwaka ngati moto, sona ilyalabwe likulepunkana pamaso papache.

Matayi 10:28

Mutakabanyilaye abantu babo bakughogha umubili, loli batangaghogha umuzimu. Nkaninkani mumunyile u Chala yuyo anganangannya vyosi umubili nu muzimu mu Gehena.

1 Aba Kolinti 10:22

Fwandi, tukulonda pakumupela u Mwene ukuti abanje wakabini? Nkimba tukwinong'ona ukuti aswe twe bamaka ukumuchila yuyo?

Ubuvumbuli 14:7

Akanena nizyu ilya pamwanya nkani akati, “Mumwiputaye, mumuchindikaye u Chala! Pakuti akabalilo kakwana akakuti abalonge abantu. Mumuchindikaye yuyo akapela kumwanya ni chisu ichapasi ni nyanja sona ni mbwibwi izya mizi!”

Ubuvumbuli 15:4

Wee Mwene, nkimba wewenu atangakunyila nukulichindika itabwa lyako? Pakuti awe wemwene we Muzelu. Abantu abaluko losi bakwiza pakukwiputa, pachifukwa ichakuti imbombo zyako ngolosu zikuboneka pabuzelu na bantu bosi.”