Masalimo 76:2 - IBAYIBOLO 2024

² Inyumba yache yili mu Salemu, sona ubuzilo bwache ubwakwikalamo buli mu Ziyoni.

Masalimo 76:2 Iomraidhean Croise

Ubwandilo 14:18

Po u Melekizedeki, yuyo akaba we mwene uwamu Salemu, sona umuputi usongo uwa Chala Uwakumwanya Nkani akiza kwa Abulamu ni chibama nu vinyo.

2 Imbili 6:6

Loli ilelo nakasala akaya akakulu nkani aka Yelusalemu ukuti nikalaye mulamula sona namusala u Devedi ukuti abanje mulongozi uwa bantu bane aba Izilayeli.’

Masalimo 27:5

Pakuti pakabalilo akantamyo, akwiza pakunsungilila akiza mu Nyumba yache. Akwiza pakunfisa mukasi muchisakasa chache nukumbika pamwanya pilyalabwe itali.

Masalimo 48:2

Ko kaya akakuboneka akiza nkani aka Ziyoni, ulusekelo lwachisu chosi ichapasi. Ighamba ilya Ziyoni lili kumitu, ko kaya aka mwene witu Umukulu Nkani.

Masalimo 9:11

Mumwimbilaye u Mwene, inyimbo izya mapalo yuyo ikaye pachitengo icha bumwene mu Ziyoni. Lumbililagha nizya mbombo zyache pakasi pa inko zyosi.

Yesaya 12:6

Mwee bantu aba mu Ziyoni kolomokagha nukwimba umwakughoboka! Pakuti Umuzelu uwa Izilayeli weyuyo mukulu, pakasi papinyu.”

Nkuto 2:6

Ayimongolannya Inyumba yache pakuba ngati cho chisakasa icha mumughunda, sona abunangannya ubuzilo bwache ubwakukomanilako. U Mwene amupela u Yelusalemu pakughaluvya amasiku ghache agha lusekelo sona nu lusekelo ulwa Isiku Ilyakutuzya, mubukalale bwache akabasamula abamwene poka na baputi.