Masalimo 75:4 - IBAYIBOLO 2024

⁴ Nkubabuzya abantu abakwituvya nkuti, ‘Mutakituvyanje sona,’ bope abantu ababibi nkubabuzya nkuti, ‘Mutakitutumulaye sona.

Masalimo 75:4 Iomraidhean Croise

Masalimo 148:14

Abakwezya abantu bache, pakubapa amaka, abantu bache abasubiliwa ukuti bamupalaye, u Izilayeli yuyo wapamoyo wache. U Mwene apaliwanje.

Masalimo 68:3

Loli abagholosu bahobokaye, sona basekelaye pantazi pa Chala, naloli basekelaye pachifukwa icha kuhoboka.

Masalimo 89:17

Pakuti awe we buchindamu bwabo sona we maka ghabo, po ichisa chako chipaliwanje.

Masalimo 94:8

Ivwa kuno mwebapunganu amwe sona mwe basita mahala mwee! Nkimba mukwiza pakuba na mahala liyi?

Masalimo 97:5

Amaghamba ghakusunguluka ngati mpula pamaso pa Mwene, pamaso pa Mwene uwa ichisu chosi ichapasi.

Ivyili 1:22

“Mwee bapunganu, nkimba mukwiza pakuba mwe bapunganu mupaka liyi?” Mwee balobezyo, nkimba mukwiza pakuhoboka nu lobezyo lwinyu mupaka liyi sona mwee bapunganu, nkimba mukwiza pakughabenga amahala mupaka liyi?

Ivyili 8:5

Mwee mute na mahala, manyila pakuba mwe bamahala, sona mwe bapunganu, manyila pakuba bakwivwisya ivintu.

Ivyili 9:6

Leka ukusita ukwivwila kwinyu, po mukwiza pakuba nubumi, sona manyila ukwivwisya ivintu.”

Zekaliya 1:21

Nkalalusya nkati, “Nkimba biza pakubomba ichoni?” Akamula akati, “Zinizi zyo mpembe zizyo zikamunyampannya u Yuda, umwakuti atakabepo umuntu uwakusosonkela. Loli abasyani banaba biza pakuboghofya nukuzipota impembe izya inko, zizyo zikalwanga ni chisu icha Yuda nukubanyampanizizya kubutali nkani abantu bache bala.”

1 Samuweli 2:8

Akubakwezya abapina ukufuma palufumbi, nukubanyamusya abapotwe ukufuma pachituntululu icha itoyi. Akubikazya poka na bamwene, nukubapa ichitengo icha muchizi. “Ulwalo ulwa chisu ichapasi lwa Mwene, sona akachikazya ichisu ichapasi palwalo lulalula.