Masalimo 74:9 - IBAYIBOLO 2024

⁹ Ivimanyilo vyitu vitakuboneka. Atalipo sona umulaghuzi uwakusyalapo, nayumoyumo umuntu pasi papinyu yuyo azimenye mumo zikwiza pakubela.

Masalimo 74:9 Iomraidhean Croise

Ukufuma 12:13

Ibanda pamilyango yinyu likwiza pakuba chimanyilo icha nyumba zyinyu zizyo mukwikalamo. Bo nennya bulo ibanda, nkwiza pakudumusannya, sona ichiwaya ichakughogha chitakwiza pakubapalamasya, bo nkubafunda aba Ijiputi.

Nkuto 2:9

Imilyango yache yadwiba pasi, sona zyope ni mpingwi zyache zyananganika. Abamwene bache poka na makambala ghache bali kubuzya pakasi pa inko izinji. Batakuzikonka nalumo indaghilo, bope abalaghuzi bache batakwennya nalumolumo ivisetuka ivya Mwene.

Ezekiyeli 20:12

Nkabapa sona Isiku Ilyakutuzya pakuba chimanyilo pakasi papitu, ukuti bamanye ukuti ane ne Mwene nkabapela pakuba bazelu.

Ezekiyeli 7:26

Intamyo zikwiza pakuwila pantamyo izinji, sona imbili yikwiza pakuwila pa mbili iyinji. Bakwiza pakulonda ichisetuka ku mulaghuzi, loli ubumanyisi ubwa lulaghilo ulwa muputi lukwiza pakusobela, po abasongo batakwiza pakumanyisya sona amahala.

Amosi 8:11

U Mwene Uwamaka Ghosi akuti, “Amasiku ghakwiza ghagho nkwiza pakubawisizya izala muchisu chosi, te zala iya chakulya pamo inyota iya amizi awe, loli izala iya kwivwa amazyu agha Mwene.

Mika 3:6

Polelo ubusiku bukwiza pakubizila mutakwiza pakwennya ivisetuka, sona ichisi chabawila, mutakwennya ivyamuntazi. Izuba likwiza pakubinjilila abalaghuzi, sona umusanya ghukwiza pakubabela chisi.

Mika 3:7

Abakwennya ivyamuntazi bakwiza pakukoziwa isoni, bope abakulaghula bakwiza pakusamuliwa. Bakwiza pakuvwinka ivyeni vyabo, pachifukwa ichakuti u Chala atakubamula.”

Aba Hebeli 2:4

U Chala wepe akasimikizya ukwendela muvimanyilo, ni viswigho, sona ni vyika ivyakulekanalekana pakubagabila ivyabupi ivya Muzimu Umuzelu ukuyana nu bwighane bwache.

Abalongi 6:17

U Gidiyoni akamula akati, “Nanti wahoboka nane, umpe ichimanyilo ichakulanjizya ukuti naloli wewe ukunena nane.

1 Samuweli 3:1

Umulumendo u Samuweli akamubombelagha u Mwene umwakulongoziwa nu Eli. Po mumasiku ghalaghala amazyu agha Mwene ghatakivwikagha pipipipi, sona ivisetuka vitakaboneka kabilikabili.