Masalimo 74:21 - IBAYIBOLO 2024

²¹ Utakabakozyanje isoni abantu abakuyiviwa. Abapina na bantu abakusobelwa balipalaye itabwa lyako.

Masalimo 74:21 Iomraidhean Croise

Ezila 3:11

Bakimbagha inyimbo izyakumupala nukumupalizya u Mwene bakatinji, “U Mwene mwiza, sona ulughano lwache paba Izilayeli lwa bwila na bwila.” Po abantu bosi bakakolomoka nkani pakumupala u Mwene, pachifukwa ichakuti imbombo iyakwala ulwalo ulwa Nyumba iya Mwene yikanda.

Masalimo 103:6

U Mwene akulongela mubwanaloli inongwa izya bantu bosi babo bakuyivyiwa.

Masalimo 109:22

Pakuti ne mupina, sona ne wakusobelwa, ghope umoyo wane ghuvulaye nkani.

Masalimo 12:5

“Pachifukwa ichakuti abadedebazu bakuyivyiwa, sona nukuti abapotwe bakukoloma, ane ne Mwene nkwiza pakuvundumuka. Ane ne Mwene nanena. Nkwiza pakubapoka munyobe izya babo bakubayivya.”

Masalimo 35:10

Nu moyo wane ghosi nkwiza pakunena ukuti, “Wee Mwene, nkimba wewenu ayanite nawe? Ukubapoka abapina munyobe izya bantu abamaka ukubachila, sona ukubapoka abapina na bapotwe munyobe izya bantu babo bakubafyula ivintu vyabo.”

Masalimo 9:18

Loli abapina atakubaluvyanga nalumolumo, sona ulusubilo lwabapina lutakupotwangapo.

Yesaya 45:17

Loli aba Izilayeli bakwiza pakupokiwa nu Mwene nu bupoki ubwa bwila na bwila, mutakwiza pakukoziwa isoni nalumolumo, pamo ukusamuliwa, ukwa bwila na bwila.

Yelemiya 33:11

amazyu agha buhobosu nulusekelo, na mazyu agha bantu babo bali palusekelo ulwa sendwa iya mulindu nu mulumendo, sona ninyimbo izya babo bakubika ivyakwiyipa ivyakupalizikizya mu Nyumba iya Mwene ivyakuti, ‘Mumupalizyanje u Mwene Uwamaka Ghosi pakuti u Mwene mwiza, ulughano lwache lwa bwila na bwila.’ Pakuti nkwiza pakuchinyosezya ichisu ubwiza bwache ngati mumo bukabela kale.