Masalimo 74:2 - IBAYIBOLO 2024

² Ubakumbukaye abantu bako babo ukisalila wemwene kale, abantu babo ukabatabula, ukuti babanje bachilingo chako. Ulikumbukaye Ighamba ilya Ziyoni papo ukikalagha.

Masalimo 74:2 Iomraidhean Croise

Masalimo 106:40

Polelo u Mwene akabakalalila abantu bache, sona akachisulannya ichilingo chache.

Masalimo 135:4

Amusala u Yakobo pakuba wache nu wache, po amusala u Izilayeli pakuba bukabi bwache.

Masalimo 33:12

Lusayiwa uluko ulwa bantu pakuti u Mwene we Chala wabo, kokuti abantu babo akabasala pakuba mpyana yache.

Masalimo 68:16

Wee lighamba ilya tusonga, nkimba choni chicho ukulyennya na kabini ighamba, lilyo u Mwene akalisala ukuti alaghilayepo nukwikalapo bwila na bwila?

Masalimo 77:15

Ukubapoka abantu bako ni nyobe yako iyamaka, kokuti bo baluko ulwa Yakobo nu Yosefu.

Masalimo 9:11

Mumwimbilaye u Mwene, inyimbo izya mapalo yuyo ikaye pachitengo icha bumwene mu Ziyoni. Lumbililagha nizya mbombo zyache pakasi pa inko zyosi.

Masalimo 9:12

Yuyo akutanizya abaghoghi akubakumbukagha abafwe, sona atakuluvyanga ukulila ukwa babo bali mumayimba.

Masalimo 94:14

Pakuti u Mwene atakubakana nalumolumo abantu bache. Eee atakuchisula nalumolumo ichilingo chache.

Ukufuma 15:13

“Mulughano lwako lulo lutakupotwangapo nalumolumo, ukabalongolela abantu bako babo ukabatabula. Na maka ghako amakulu, ukabalongozezya kubuzilo bwako ubuzelu.

Ukufuma 15:16

Ulutente nubogha ubukulu nkani vyabawila. Pachifukwa icha maka ghako amakulu, abene bali myee ngati libwe mupaka abantu babo ukabatabula badumusannyepo.

Yesaya 51:11

Abapokiwa aba Mwene bakwiza pakunyokela. Bakwiza pakwinjila mu Ziyoni bo bakwimba inyimbo, nulusekelo ulwa bwila na bwila, lukwiza pakubonekagha pa vyeni vyabo. Bakwiza pakuhoboka nukusekela nkani, po ichitima nukufwifwitila vikwiza pakumala.

Yesaya 62:12

Bakwiza pakwitiziwanga ukuti, “Abantu Abazelu aba Chala.” Abantu babo u Mwene abatabuye. U Yelusalemu akwiza pakwitiziwanga ukuti, “Akaya akakulu nkani kako u Chala akaghanite, akaya akakulu nkani kako u Chala atakalekite.”

Yesaya 62:6

Wee Yelusalemu nabika abalindilili pa malinga ghako, batakwiza pakuba myee pamusanya na pabusiku. Amwe mwe mukumwiputa u Mwene mutakatuzyanje,

Yesaya 63:17

Wee Mwene nkimba choni chicho watupela ukuti tusobelaye izila zyako? Nkimba choni chicho waghakazya amoyo ghitu ukuti tutakakwivwilaye. Nyokako pachifukwa icha babombi bako, uluko lulo mpyana yako

Yesaya 63:9

Mumayimba ghabo ghosi wepe bulo akayimba, po uwantumi yuyo akaba palapala akabapoka, akabapoka mulughano lwache na muchisa chache. Akabanyamula nukubasenda mumasiku aghakale.

Yelemiya 10:16

U Chala uwa Yakobo atayanite nabo, pakuti we mupeli uwa vintu vyosi, Aba Izilayeli bantu bache babo akabasala, itabwa lyache we Mwene Uwamaka Ghosi.

Yelemiya 51:19

U Chala uwa Yakobo atayanite nabo, pakuti we mupeli uwa vintu vyosi, Aba Izilayeli bantu bache babo akabasala, itabwa lyache we Mwene Uwamaka Ghosi.

Imbombo 20:28

Po mwisungilile mwebene, sona nu mudimo ghosi ghugho u Muzimu Umuzelu abikite munyobe zyinyu. Mubanje mwe badimi aba chipanga icha Chala, chicho akachitabula ni banda ilya mwana wache.

Ukukumbusya Amalamulo 32:9

Pakuti ubuzilo ubwa Mwene bo bantu bache akabasala abanyumba iya Yakobo pakuba mpyana yache.

Ukukumbusya Amalamulo 4:20

Loli ukunena nizya amwe, u Mwene akabefyamo mu Ijiputi, muchiliba ichakwaka umoto, umwakuti mubanje mwe bantu abache na bache. Umu momumo mubeleye ilelo.

Ukukumbusya Amalamulo 9:26

Po nkiputa nkati, “Wee Mwene Uwamaka Ghosi, utakabanangannye abantu bako, babo yo mpyana iyako ni yako, abantu babo ukabapoka mu Ijiputi na maka ghako amakulu.

Ukukumbusya Amalamulo 9:29

Loli pope bulo abantu banaba bantu bako na bako, yo mpyana yako, sona babo ukabefya mu Ijiputi na maka ghako amakulu.”

Titi 2:14

Akiyipa mwene pachifukwa icha sweswe ukuti atusatule ku bubibi bwitu bosi nukuti tubanje bantu bache abazelu, babo balweke pakubomba imbombo inyiza.

Ubuvumbuli 5:9

Bakimbagha ulwimbo ulupya bakatinji, “Awe ubaghiye pakusenda ibuku ilyakunnyengiwa nukumamatula ivimatilo vyache. Pakuti ukaboliwa, sona ni banda lyako, ukamughulila u Chala abantu abaluko losi, na baneno zyosi, sona ninko zyosi izya bantu.