Masalimo 73:9 - IBAYIBOLO 2024

⁹ Amalomo ghabo ghakumusamula u Chala kumwanya, lope ululimi lwabo lukwendakwenda bulo pachisu ichapasi.

Masalimo 73:9 Iomraidhean Croise

2 Imbili 32:15

Polelo mutakitikizye ukuti u Hezekiya abazimbulaye nukubasovya bunubu. Mutakamusubilaye pakuti atalipo nayumoyumo uchala uwa inko pamo ubumwene, yuyo abapokitepo abantu bache munyobe zyane, pamo munyobe izya banyenya bane. Po uchala winyu atangabomba nachimochimo ukuti abapoke munyobe zyane!”

Yobu 21:14

Loli pope bulo bakumubuzya u Chala bakuti, “Tuleke bulo!” Aswe tutakuzinyonywapo izila zyako.

Masalimo 52:4

Wee muzimbuli, ululimi lwako lughaghanite nkani amazyu aghakubavulazya abanji.

Ukufuma 5:2

Po u Falabo akamula akati, “Nkimba u Mwene yunuyu wewenu? Nkimba choni chicho imwivwilaye pakubitikizya aba Izilayeli ukuti babukaye? Ntamumenye u Mwene yunuyu, po ntakwiza pakubitikizya aba Izilayeli ukuti babukaye.”

Daniyeli 3:15

Losi ulu nanti mwivwa bulo ukulila ukwa lipati na malongi na mapango ni vinanda ni ng'oma ni visekeseke sona ni vyakwimbila vyosi ivyakulekanalekana, chingaba chiza nkani ukuti mufughamaye pasi pakuchiputa ichifwani chicho nkapanga. Loli nanti mutakuchiputa, mukwiza pakusumbiwa lubilolubilo mumoto uwa muvuno. Po nkimba chala wenu yuyo akwiza pakubapoka munyobe zyane?”

Daniyeli 7:25

Akwiza pakumususya Uwakumwanya Nkani nukubayivya abantu abazelu. Akwiza pakwandula utubalilo utwa lusekelo ni ndaghilo. Abantu abazelu bakwiza pakubikiwa munyobe zyache amaka matatu nu hafu.

Luka 18:4

Akabalilo akatali umulongi yula akakanagha pakulonga inongwa yila, loli pisinda pache akanena mumoyo wache akati, ‘Napapo intakumunyila u Chala, pamo ukubachindika abantu,

Yakobo 3:6

Ululimi lope luli ngati gho moto, chicho chizuye nu bubibi pakasi pa vigaba ivya mubili. Lukunyazya inkalo yosi iya muntu, sona lukochannya ubumi bwache bosi numoto uwamu Gehena.

Ubuvumbuli 13:6

Chikanda pakumusamula u Chala, pakulituka itabwa lyache, pakubutuka ubuzilo bwache bubo akwikalapo, sona nukubatuka abantu bosi babo bakwikala kumwanya.