Masalimo 73:28 - IBAYIBOLO 2024

²⁸ Loli kukwane chiza ukuti mbanje papipi nu Chala, nakusala we Mwene Uwamaka Ghosi ukuti ubanje we buzilo bwane ubwakuvwamamo, sona nkwiza pakubapangila abanji nizya mbombo zyako zyosi.

Masalimo 73:28 Iomraidhean Croise

Masalimo 107:22

Babikaye ichakwiyipa ichakupalizikizya, nukwimba inyimbo izya lusekelo.

Masalimo 116:7

Wee moyo wane, tuzya, pakuti u Mwene akubombeye ivyiza.

Masalimo 118:17

Ntakwiza pakufwa, loli nkwiza pakuba mumi, po nkwiza pakuzilumbilila zizyo u Mwene abomba.

Masalimo 14:6

Mwee babibi, mukuzivulungannya imbatiko izya bapina, loli mwa Mwene momumo bakuvwamamo.

Masalimo 40:5

Wee Mwene Chala wane, watubombela ivintu ivyinji nkani, Atalipo nayumoyumo umuntu uwakuyana nawe! Watubatikila ivintu ivyinji nkani ivyakuswighisya. Nanti nkavinenagha nukuvivumbula, ngali vyaba vyinji nkani pakuvitambula.

Masalimo 65:4

Basayiwa abantu babo ukabasala, nukubapalamizya papipi nawe ukuti bikalaye, mulubinjilo lwako ulwanongwa. Pakuti tukwiza pakwikuta ivintu ivyiza ivya munyumba yako, inyumba izelu.

Masalimo 66:16

Amwe mwebosi mwe mukumuchindika u Chala, zagha muteghelezye, leka imbapangile zizyo ambombeye.

Masalimo 71:15

Umulomo wane ghukwiza pakubapangila abanji nizya bugholosu bwako, sona nizya bupoki bwako isiku lyosi akabalilo kosi, napapo bukulu nkani ukuchila akivwisizye kane.

Masalimo 71:17

Wee Chala, wamanyisya ukwanda bo bwana bwane, po mupaka nilelo bulo nkulumbilila nizya mbombo zyako izyakuswighisya.

Masalimo 71:24

Ululimi lwane lukwiza pakubapangila abanji isiku lyosi nizya mbombo zyako ingolosu, pakuti abantu babo bakulonda pakunvulazya bakoziwa isoni, sona bavulunganite.

Masalimo 84:10

Ukuba palubinjilo lwako isiku lyoka, chizapo ukuti ane imbanje mulubinjilo lwako ukuchila pakubapo amasiku amasabuzani kosi na kosi. Chingaba chizapo ukuti imbanje ne mulindilili uwa pamulyango uwa Nyumba iya Chala, ukuchila ukuti imbanje muchisakasa icha bantu ababibi.

Yakobo 4:8

Palamila kwa Chala, po wepe akwiza pakupalamila kukwinyu. Ozya inyobe zyinyu mwe bantu bambibi mwee! Suka amoyo ghinyu, amwe mwe amoyo ghinyu ghali mumwanyamwanya bulo!

1 Pitala 3:18

Pakuti u Kilisitu akafwa lyoka mpela pachifukwa icha mbibi izya bantu bosi, umugholosu pakubafwila abasita bugholosu, umwakuti atufisye pamaso pa Chala. Pakunena nizya mubili wache akafwa, loli akazyuka kubufwe mumuzimu.

1 Samuweli 14:36

Po u Sabuli akati, “Twende tubuke pabusiku pakulwa ubwite naba Filisiti nukubafyula ivintu vyabo mupaka kubuche, sona patakabepo nayumoyumo umuntu uwakupona.” Bakamwamula bakati, “Bombagha bulo chosi chicho ukulonda.” Loli umuputi yula akati, “Leka tasi tubuzikizye kwa Chala.”