Masalimo 73:27 - IBAYIBOLO 2024

²⁷ Abantu bosi babo bali kubutali nawe bazimilaye. Pakuti ukubazimizya abantu bosi babo te basubiliwa kukwako.

Masalimo 73:27 Iomraidhean Croise

1 Imbili 10:13

U Sabuli akafwa pachifukwa ichakuti atakaba musubiliwa kwa Mwene. Atakamwivwilagha u Mwene sona akabuzikizyanga ku mizimu iya bantu abafwe.

Esitele 9:30

Abakalata bala bakatumiwa kuba Yuda bosi muvigaba 127, vivyo u mwene u Ahaziwelo akalaghilagha pakubalondela aba Yuda umutende nukufwasa,

Masalimo 106:39

Bakinyazya bene pazizyo bakabomba, bakalowa pachifukwa icha mbombo zilazila.

Masalimo 119:155

Ubupoki buli kubutali nkani na babibi. Pakuti batakwivwila amalamulo ghako.

Ukufuma 34:15

“Muchebaye nkani ukuti mutakafinge ulufingo na bantu aba muchisu chilachila, pakuti bo bakubiputa abachala babo nukubika ivyakwiyipa, bakwiza pakubitizya, po mukwiza pakulya ivyakwiyipa vyabo.

Yesaya 29:13

U Mwene akuti, “Abantu banaba bakupalamila kukwane namalomo ghabo, nukunchindika ane nimilomo yabo, loli amoyo ghabo ghali kubutali nkani nane. Ukunchindika kwabo kwa ndaghilo, zizyo bamanyisiwe na bantu.

Yelemiya 12:2

Wewe ukubyala makwi sona amagululuzi ghache ghakwisimika ghakukula nukwela ivikomwa. Bakukunena akabalilo kosi, loli amoyo ghabo ghali kubutali nawe.

Yelemiya 17:13

Wee Mwene we lusubilo ulwa ba Izilayeli, abantu bosi babo bakukukana bakwiza pakukoziwa isoni. Babo bakukuleka bakwiza pakusyiliwa mulufumbi pachifukwa ichakuti bamukana u Mwene, imbwibwi iya mizi amumi.

Ukubelengiwa 15:39

Amabuzi amatalitali ghanagha ghakwiza pakuba chikumbusyo icha malamulo agha Mwene ukuti mughakonkaye, mubuzilo ubwa kukonka ivinyonywa ivya mabili ghinyu.

Aba Efeso 2:13

Losi ulu mwebosi amwe mwe kale mukaba kubutali nu Kilisitu u Yesu mwabuziliwa kupipi ni banda ilya Kilisitu.

Aba Efeso 2:17

Po u Kilisitu akiza nukulumbilila umutende kukwinyu, amwe mwe mukaba kubutali nu Chala, sona na bantu babo bakaba papipi nawe.

Yakobo 4:4

Mwe bantu mwe mute mwe basubiliwa mwee! Nkimba mutazimenye ukuti pakuba bamanyani aba chisu ichapasi, mukwipela mwebene pakuba balwani aba Chala? Abantu babo bakulonda pakuba bamanyani aba muchisu ichapasi bakwipela bene pakuba balwani aba Chala.