Masalimo 73:24 - IBAYIBOLO 2024

²⁴ Ukundongozya na mahala ghako, sona pabumalilo ukumpokela mu buchindamu bwako.

Masalimo 73:24 Iomraidhean Croise

Masalimo 16:7

Nkumupala u Mwene pakuti weyuyo akumanyisya amahala, umabyebye wane akunsokagha na pabusiku bulo.

Masalimo 25:9

Akubalongozya abantu abakwiyisya pakubomba ingolosu, sona abakumanyisya izila zyache.

Masalimo 32:8

Nkwiza pakukulanjizya nukukumanyisya izila izyakuti wendayemo, sona nkwiza pakukulongozya nukukwenelezya.

Masalimo 48:14

Pakuti u Chala yunuyu we Chala witu bwila na bwila, sona akwiza pakutulongozya mupaka tufwe.

Masalimo 49:15

Loli u Chala akwiza pakubutabula ubumi bwane mwipumpa, pakuti akwiza pakumpokela.

Masalimo 84:11

Pakuti u Mwene u Chala lizuba sona ngulu, akutupa ivyiza vyosi sona akutuchindika. U Mwene akubapa ivintu ivyiza abantu babo bagholosu.

Ivyili 8:20

Ane nkwenda muzila iya bugholosu, sona muzila iya bwanaloli.

Yesaya 30:21

Napapo mungaghalabukila kundilo pamo kumongo, amakutu ghinyu ghakwiza pakwivwa izyu ukufuma kwisinda kwinyu, likuti, “Iyi yo zila; endagha mumo.”

Yesaya 48:17

U Mwene Umutabuli, Umuzelu uwa Izilayeli akuti, “Ane ne Mwene u Chala winyu, yuyo akubamanyisya ukuti mwennye ubwiza, sona akubalongozya izila iya kwendamo.

Yesaya 58:11

U Mwene akwiza pakukulongozya akabalilo kosi, nukubapa ivintu ivyiza, nukubapa amaka mumabili ghinyu. Mukwiza pakuba ngati mughunda, ghugho ghusembeliwe akiza, ngati chiziba chicho amizi ghatakumalamo.

Yesaya 58:8

Po ulukozyo lwako lukwiza pakulama ngati kokubuche, nukupoziwa kwako kukwiza pakuboneka lubilolubilo, ubugholosu bwako bukwiza pakukulongolela, sona ubuchindamu ubwa Mwene, bukwiza pakumulindilila uwa kwisinda kukwako.

Ukubelengiwa 9:22

Napapo ibingu lila lingaba pa Chisakasa chila amasiku mabili pamo umwezi pamo umwaka aba Izilayeli bakendelelagha pakwikala muvisakasa vyabo, sona batakanyamukagha ubulendo bwabo. Loli nanti ibingu lila lyakwela bulo mumwanya, aba Izilayeli bakanyamukagha ubulendo bwabo.

Luka 11:13

Nanti mwe bantu mwe babibi mumenye pakubapa ivintu ivyiza abana binyu, zili bulibuli nu Ghuso uwakumwanya? Nkimba angapotwa pakubapa u Muzimu Umuzelu abantu babo bakumulaba?”

Luka 23:46

U Yesu akalila nizyu ilya pamwanya akati, “Wee Tata nkughubika umuzimu wane munyobe zyako!” Bo anena zinizi, akazililika.

Yohani 14:3

Sona bo nabuka pakubayanizya ubuzilo, nkwiza sona pakubasenda, umwakuti kuko indiko, ko kuko namwe bulo mubanje.

Yohani 16:13

Loli bo u Muzimu Umuzelu, yuyo akuvumbula ubwanaloli ubwa Chala iza, akwiza pakubamanyisya ubwanaloli bosi. Atakwiza pakunena nu bulaghili ubwache nu bwache awe, loli akwiza pakunena zizyo akwivwa, sona akwiza pakubabuzya nizya vintu vivyo vikwiza pakuboneka muntazi.

Yohani 17:24

“Wee Tata, nkulonda ukuti abantu babo umpiye babanje nane kuko indi, umwakuti bangennya ubuchindamu bwane, bubo ukampa pakuti ukangana bo ni chisu chichili pakupeliwa.

Yohani 17:5

Wee Tata, losi ulu umpe ubuchindamu pamaso papako, ubuchindamu bubo nkaba nabo poka nawe, bo ichisu ichapasi chichili pakupeliwa.

Imbombo 7:59

Bo bakwendelela pakumusumba na mabwe, u Sitefani akanda pakwiputa ukuti, “Wee Mwene Yesu, pokela umuzimu wane!”

2 Aba Kolinti 5:1

Pakuti tuzimenye ukuti nanti ichisakasa chicho tukwikalamo pachisu ichapasi, chapankuliwa, tukwiza pakuba ni nyumba kumwanya yiyo u Chala atuyanizizye. Inyumba iyi yitakazengiwa ni nyobe izya bantu, sona yikwiza pakubangako bwila na bwila.

Ukukumbusya Amalamulo 18:2

Batakabanje ni mpyana pakasi pa bakamu babo. Impyana yabo we Mwene, ukuyana namumo akabalayizizya.

Yakobo 1:5

Nanti yumo mumwinyu akusobelwa amahala aghakubombela ichintu chimo, amulabe u Chala, po akwiza pakughapokela, pakuti u Chala akumupa umuntu wesi umwakusita ukumamilizya, sona umwakusita ukwilumbusya.