Masalimo 73:13 - IBAYIBOLO 2024

¹³ Naghuswefya umoyo wane pabulo, nasukusula pabulo munyobe ukulanjizya ukuti inte ni mbibi.

Masalimo 73:13 Iomraidhean Croise

Yobu 21:15

“Nkimba Uwamaka Ghosi wewenu ukuti tumubombelaye, sona tungakabapo ichoni nanti tukumwiputa?”

Yobu 34:9

Pakuti akuti, “Chitakumukabilapo nachimochimo umuntu, nanti akuyezya pakumuhobosya u Chala.”

Yobu 35:3

Loli ukumulalusya ukutinji, ‘Nkimba ningakabapo ichoni nanti intakunanga?’

Yobu 9:27

Nanti nkuti, ‘Nkwiza pakuluvya amilumbusyo ghane, ntakwiza pakuba ni chitima nalumolumo, po nkwiza pakuhoboka.’

Yobu 9:29

Pakuti naghiwa kale ukuti indi ninongwa, po nkimba choni chicho intamiwanje bulo?

Yobu 9:31

pope bulo u Chala ngali ansumbila muchiliba, umwakuti ghope na menda ghane ngali ghankozizye isoni.

Masalimo 24:4

Kokuti muntu yuyo inyobe zyache swepu, sona umoyo wache ghope mugholosu. Yunuyu we muntu yuyo atakubikilako umoyo wache pavintu ivyabulo, pamo ukulapa ivyabumyasi.

Masalimo 26:6

Nkusukusula munyobe zyane ukulanjizya ukuti intanangitepo, loli nkukuchindika pakwenda umwakuzyungulila pachighemo chako.

Masalimo 51:10

Wee Chala, umpelele umoyo umuswepu, sona ubikayemo mukasi mumwane umuzimu umupya nu wamaka.

Malaki 3:14

“Mukunena ukuti, ‘Vite ni mbombo nayimoyimo pakumubombela u Chala. Nkimba tukakabapo ichoni pakukonka indaghilo zyache pakuba ngati bantu abafwilwe pantazi pa Mwene Uwamaka Ghosi?

Yakobo 4:8

Palamila kwa Chala, po wepe akwiza pakupalamila kukwinyu. Ozya inyobe zyinyu mwe bantu bambibi mwee! Suka amoyo ghinyu, amwe mwe amoyo ghinyu ghali mumwanyamwanya bulo!