Masalimo 72:5 - IBAYIBOLO 2024

⁵ Akwiza pakuba nubumi bo izuba nu mwezi vichili vikulama kumwanya, mupaka inkulilo zyosi izya muntazi.

Masalimo 72:5 Iomraidhean Croise

1 Abamwene 3:28

Bo aba Izilayeli bosi bivwa namumo u Solomoni akadumulila inongwa yila, bakamuchindika nkani, pakuti bakazyaghannya ukuti u Chala akamupa amahala aghakulongela inongwa mubwanaloli.

Masalimo 72:17

Itabwa lyache libanjeko bwila na bwila, sona libanjeko ngati mumo izuba likubelaghako. Abantu aba inko zyosi bakwiza pakusayiwa ukwendela mumwache, sona bakwiza pakumwitizya ukuti musayiwa.

Masalimo 72:7

Pakabalilo kache umugholosu akwiza pakubako, sona ivintu vikwiza pakwenda akiza nkani mupaka umwezi ghuleke pakulama.

Masalimo 89:29

Nkwiza pakulwikazya uluko lwache pachitengo icha bumwene bwila na bwila. Po ubumwene bwache butakwiza pakuba nubumalilo ngati masiku agha mumwanya.

Yesaya 9:7

Ukonjeleziwa ukwa bulaghili bwache nu mutende butakwiza pakumala. Akwiza pakulaghila pachitengo icha Devedi napabumwene bwache, pakubwikazya nukubukuzya mubwanaloli nu bugholosu ukwanda pakabalilo kalakala sona bwila na bwila. Ulweke ulwa Mwene Uwamaka Ghosi lukwiza pakuzimalizya zinizi.

Daniyeli 2:44

“Pakabalilo aka bamwene banabo, u Chala uwakumwanya akwiza pakubwikazya ubumwene, bubo butakwiza pakunanganika nalumolumo pamo pakubikiwa munyobe izya bantu abanji. Bukwiza pakughanangannya amabumwene aghanji ghosi mupaka nukughazimizya, loli ubumwene bunubu bukwiza pakubangako bwila na bwila

Daniyeli 7:14

Akapeghiwa ubulaghili nu buchindamu, sona na maka amakulu nkani, ni inko zyosi, nuluko losi sona na baneno zyosi bakamwiputagha. Ubulaghili bwache bwa bwila na bwila, sona ubumwene bwache butakwiza pakunanganika nalumo.

Daniyeli 7:27

Po ubumwene na maka sona nu bukulu nkani ubwa mabumwene pasi pachisu chosi icha kumwanya, vikwiza pakupeghiwa ku bantu abazelu, aba Wakumwanya Nkani. Ubumwene bunubu bukwiza pakubangako bwila na bwila, pisinda pache abalaghili bosi bakwiza pakumwiputa nukumwivwila.’

Aba Efeso 3:21

U Chala apokele umuchizi ughu muvipanga, sona na mwa Kilisitu u Yesu ku nkulilo zyosi, bwila na bwila! Ameni.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

1 Samuweli 12:18

U Samuweli akiputa kwa Mwene, po pisiku lilalila Mwene akabajilimizizya nukubawisizya ivula, umwakuti abantu bosi bakamunyila nkani u Mwene, poka nu Samuweli.