Masalimo 72:4 - IBAYIBOLO 2024

⁴ Akwiza pakubimila abapina, nukubapoka abana aba bapotwe, loli akwiza pakubayivya babo bakubayivya abamwabo.

Masalimo 72:4 Iomraidhean Croise

Yobu 19:2

“Nkimba ukwiza ukuleka liyi pakuntamya nukunvulazya na mazyu ghako?”

Yobu 34:24

Atakubuzikizya nanti akulonda pakubefya abalongozi nukubimikilapo abanji.

Masalimo 109:31

Pakuti u Mwene akwimilila papipi na bantu aba kusobelwa, ukuti abapoke ku bantu babo bakudumula ukuti baghoghiwanje.

Masalimo 2:9

Ukwiza pakubakoma ni ndisa iya chela, sona ukwiza pakubafwantannya ngati yo sonta.”

Masalimo 94:5

Bakubatamya abantu bako, wee Mwene bakubayivya abantu bako abasaliwa.

Ivyili 20:26

U mwene uwamahala akubamanya abantu ababibi, sona akubafunda umwakusita ukubapelela ichisa.

Yesaya 11:4

loli nu bugholosu akwiza pakubalongela abapotwe, nukubadumulila abapina mubwanaloli aba muchisu ichapasi. Akwiza pakuchikoma ichisu ichapasi nindisa iya mumulomo wache, umuyi uwa milomo yache gho ghukwiza pakubaghogha ababomba mbibi.

Yesaya 42:1

U Mwene akuti, “Ennya umubombi wane yuyo nkumupa amaka, yuyo namusala sona nkuhoboka nawe, nkwiza pakubika u Muzimu wane papache, sona akwiza pakuzilongela inko zyosi mubwanaloli.

Yesaya 42:3

Ulutete lulo lunyonganite atakwiza pakulupyola, pamo ukuzimya ichikoka ichakusuka, akwiza nu bwanaloli ubwa bwila na bwila

Yesaya 9:4

Pakuti ukapyola ikoli lilyo likabang'wamila, sona ni ndisa yiyo yikukoma pavimpunko vyabo, wazipota inko zizyo zikabayivya nukubanangannya abantu bako, ngati mumo ukabapotela abasilikali aba Midiyani.

Zekaliya 11:11

Po ulufingo lula lukamala pisiku lilalila, abantu abakughulizya ing'ozi bakanyenelezyanga, bakamanya ukuti we Mwene akunena.

Zekaliya 11:7

Po nkazidima zizyo zyabikiwa pakuboliwa, nkaninkani izyakuyivyiwa. Po nkasenda indisa zibili, yoka nkayita ukuti we Chisa, iyinji yila nkayita ukuti Bupoka, po nkazidima ing'ozi zila.

Matayi 11:5

Abafwamaso bakwennya, babo bafuye ivinama bakwenda, na bamambombo bakuswepa, na bamapuli bakwivwa, na bantu abafwe bakuzyuka kubufwe, sona Amazyu Amiza ghakulumbililiwa pakasi pabantu abapina.

Ubuvumbuli 18:20

Hobokagha we chisu icha kumwanya, hobokagha mwe bantu abazelu aba Chala, na batumiwa, sona na balaghuzi! Pakuti u Chala amususya ukuyana bulo namumo akabombelagha!”

Ubuvumbuli 18:24

Akaya aka Babiloni kakufundiwa pachifukwa icha libanda ilya balaghuzi, nilya bantu abazelu aba Chala sona nilya bantu bosi babo bakaboliwa muchisu ichapasi.”

Ubuvumbuli 19:2

Ubulongi bwache bugholosu sona bwanaloli! U Chala amulonga umukolo umalaya yuyo akachinangannya ichisu ichapasi nu bwamalaya bwache. Amufunda pachifukwa ichakuti akaghogha ababombi bache.”