Masalimo 72:19 - IBAYIBOLO 2024

¹⁹ Itabwa lyache lichindamu, lipaliwanje bwila na bwila, sona ichisu chosi ichapasi chizulaye nu buchindamu bwache. Ameni nu Ameni.

Masalimo 72:19 Iomraidhean Croise

1 Abamwene 1:36

U Benaya umwana uwa Yehoyada akamula akati, “Momumo! U Mwene u Chala wako itikizye ukuti zibanje bunubu.

Nehemiya 9:5

Po Aba Levi kokuti u Yeshuwa nu Kadimiyeli nu Bani nu Hashabineya nu Shelebiya nu Hodiya nu Shebaniya sona nu Petahiya bakati, “Imilila, mumupalaye u Mwene u Chala winyu, yuyo aliko bwila na bwila. “Lipaliwanje itabwa lyako lyabuchindamu, lilyo abantu batangalikwezya nukulichindika umwakufikapo.

Masalimo 41:13

U Mwene u Chala uwa ba Izilayeli, apaliwanje pakabalilo aka bwila na bwila. Ameni! Ameni!

Masalimo 89:52

U Mwene apaliwanje bwila na bwila. Ameni! Ameni!

Yesaya 11:9

Mutakwiza pakubamo ukuvulaziwa, pamo ukunanganika pighamba lyane izelu, pakuti ichisu chikwiza pakwizula nu bumanyi ubwa Mwene ngati mumo amizi ghizuliye munyanja.

Yesaya 6:3

Bakitizannyanga bakatinji, “Muzelu, muzelu, muzelu! U Mwene Uwamaka Ghosi muzelu! Ichisu chosi ichapasi chizuye nubuchindamu bwache.”

Yelemiya 28:6

Akati, “Ameni! U Mwene azibombe ngati mumo zibeleye! U Mwene aghakwanilisye amazyu aghabulaghuzi bwako ukuti avinyosezye mumo ivibombelo ivya mu Nyumba iya Mwene sona na bazya bosi aba ku Babiloni.

Habakuku 2:14

Pakuti ichisu chikwiza pakwizula nu bumanyi ubwa buchindamu ubwa Mwene ngati mumo amizi ghizuliye munyanja.

Zekaliya 14:9

U Mwene akwiza pakuba we mwene uwa chisu chosi ichapasi. Pisiku lilalila akwiza pakubako u Mwene weka, sona akwiza pakumanyikwa ni tabwa lyoka mpela.

Malaki 1:11

Ukwanda kubufumilo bwizuba mupaka kubwinjililo bwizuba itabwa lyane likwiza pakuba likulu nkani pakasi pabantu aba inko izinji. Kosi na kosi abantu bakwiza pakufukizya utwakununkila nukubika ivyakwiyipa ivyenecho pachifukwa icha litabwa lyane pakuti itabwa lyane likwiza pakuba likulu nkani pakasi pa inko. Ane ne Mwene Uwamaka Ghosi nanena.”

Ukubelengiwa 14:21

Loli momumo ukuti ane ne mumi, sona ichisu chosi chizuye nu buchindamu ubwa Mwene,

Ukubelengiwa 5:22

Amizi agha nguno ghanagha ghinjile mulwanda lwako umwakuti lwizule, nukuyighalila impapo yako.’ ” Po umukolo yula akwiza pakwitika ukuti, “Ameni. Momumo.”

Matayi 6:10

Ubumwene bwako bwizaghe, ubwighane bwako bubombiwanje pachisu ichapasi pano ukuyana namumo kubeleye kumwanya.

Matayi 6:13

Utakitikizyanje ukuti tuwile munjelo, loli utupoke kwa Satana, Umubibi yula.’

Ubuvumbuli 1:18

Ane ne mumi. Nkafwa, loli ilelo ne mumi bwila na bwila. Indi ni nyighulilo izya bufwe, sona ni nyighulilo izya buzilo ubwa bantu abafwe.

Ubuvumbuli 22:20

Yuyo akusimikizya ivintu vyosi vinivi akuti, “Naloli! Nkwiza lunulu.” Ameni! Mwene Yesu, zagha!

Ubuvumbuli 5:13

Po nkivwa ivya bumi ivya kumwanya, nivya muchisu ichapasi, nivya kusi kuchisu, nivya munyanja, sona ni vipeliwa vyosi ivya bumi vikwimba vikuti, “Uwakwikala pachitengo icha bumwene nu Mwana uwa ng'ozi, apokele amapalo nu buchindamu, sona na maka bwila na bwila!”