Masalimo 72:16 - IBAYIBOLO 2024

¹⁶ Muchisu chosi mubanje ni vyakulya ivyinji nkani, sona na pamwanya patughamba bulo pope pabanje ivintu ivyinji nkani. Ivikomwa vyache vyelaye nkani ngati vikomwa ivya mu Lebanoni, sona abantu bache aba mukaya akakulu nkani banyamaye ngati lisote.

Masalimo 72:16 Iomraidhean Croise

1 Abamwene 4:20

Abantu aba muchisu icha Yuda nicha Izilayeli bakaba binji nkani ngati musesenga uwa mulubazu ulwa nyanja. Bakaba bantu abakuhoboka nkani pachifukwa ichakuti bakaba ni vyakulya, sona ni vyakung'wela ivyinji nkani.

Yobu 5:25

Ukwiza pakumanya ukuti abana bako binji, sona bope abaluko lwako binji ngati lisote ilya pachisu ichapasi.

Yobu 8:7

Napapo pakwanda ukaba ni vintu ivinandi nkani, loli pabumalilo ukwiza pakuba navyo ivyinji nkani.

Masalimo 104:16

Amakwi agha Mwene ghakusembeleliwa akiza nkani, kokuti amakwi agha mwale ghagho akabyala mu Lebanoni.

Masalimo 72:6

Akwiza pakuba ngati vula yiyo yikutima pamaghunda, sona ngati vula iyakusalasata pachisu.

Yesaya 29:17

Nkimba u Lebanoni atakwiza pakunyokela muchisu ichamuvundo, pakabalilo akapimpa bulo? Sona umughunda uwamuvundo ghukwiza pakuboneka ngati musitu?

Yesaya 30:23

Akwiza pakubatumila ivula iyakumezya imbeyu zizyo mubyalite, mukwiza pakuba nivyakulya vivyo seke izya mwitope ivyiza sona ivyinji. Mwisiku lilalila ing'ombe zyinyu zikwiza pakulya mubuzilo ubukulu nkani.

Yesaya 32:15

mupaka papo Umuzimu ikila papitu ukufuma kumwanya, sona ninkolongo pakuba mughunda uwamuvundo, ghope umughunda uwamuvundo ghukuboneka ngati musitu.

Yesaya 32:20

loli mwe basayiwa mwe mukubyala imbeyu zyinyu mulubazu ulwa tusoko tosi, sona mukuzileka ing'ombe zyinyu ni mpunda ukuti zilyanje bulo.

Yesaya 35:2

Chikwiza pakubazya ubwezya ubwinji, chikwiza pakusekela nkani, sona chikwiza pakuhoboka nukwimba. Ubuchindamu ubwa Lebanoni bukwiza pakupeghiwa kukwache, ichisu icha Kalimeli nu Shaloni, vikwiza pakwennya ubuchindamu ubwa Mwene, nu bukulu ubwa Chala witu.

Yelemiya 33:22

Nkwiza pakubapela abaluko ulwa Devedi umubombi wane naba Levi abaputi babo bakumbombela akabalilo kosi pakuba ngati zyo intondwa sona ngati musesenga uwa mulubazu ulwa nyanja ghugho ghutangabelengiwa.”

Imbombo 1:15

Bo ghachilapo amasiku manandi kukaba ulukomano ulwa bitiki. Palapala pakabapo abantu pipipipi 120 bosi poka, po u Pitala akimilila nukuti,

Imbombo 2:41

Po abantu abinji bakasubila amazyu ghache nukoziwa. Pisiku lilalila abantu abakukwana 3,000 bakonjeleziwako ku kabukatila kabo.

Imbombo 4:4

Loli abinji babo bakivwa amazyu bakasubila. Sona ubwinji ubwa bitiki bukonjelela pakufika pa 5,000.

Ubuvumbuli 7:14

Nkamwamula nkati, “Mwene wane, wewe uzimenye.” Po akambuzya akati, “Aba bo bantu babo bapona pakuvwimiwa ukukulu nkani. Bachapite inkazo zyabo nukwiswefya bene ni banda ilya Mwana uwa ng'ozi.

Ubuvumbuli 7:9

Pisinda pazinizi nkenelezya, po nkennya ichilundilo ichikulu icha bantu ichakuti nayumo umuntu yuyo angabelenga. Bakaba bantu aba muchisu chosi, na bantu abaluko losi, na bantu abaneno zyosi nukwimilila pantazi pachitengo icha bumwene, sona na pamaso pa Mwana uwa ng'ozi. Bakavwala inkazo inswepu nukulema isamba izya mabale munyobe zyabo.