Masalimo 72:15 - IBAYIBOLO 2024

¹⁵ U mwene abanje nubumi ubutali, sona abantu bamupanje ugolide uwamu Sheba. Abantu bamwiputilaye akabalilo kosi, nukumusaya isiku lyosi.

Masalimo 72:15 Iomraidhean Croise

1 Abamwene 10:10

Po u mwene umukolo akamupa u mwene yula amakilogalamu 4,000 agha golide nu twakunonezya ivyakulya utwinji nkani, sona na mabwe aghamutengo. Patakabapo nayumoyumo yuyo akamupa u Solomoni utwakunonezya ivyakulya utwinji nkani ukuchila namumo akamupela u mwene uwamu Sheba yula.

1 Abamwene 10:14

Ugolide yuyo u Solomoni akapokelagha umwaka nu mwaka akachila amakilogalamu 23,000,

2 Imbili 9:1

Bo u mwene umukolo uwamu Sheba ivwa nizya bumanyikwe ubwa Solomoni, akabuka ku Yelusalemu pakumuyela na malalusyo amakafu nkani. Akafika ni chilundilo ichikulu nkani icha bantu, bo ingamila zinyamuye utwakunonezya ivyakulya nu golide umwinji nkani sona nu tumabwe utwamutengo. Bo akomana nu Solomoni, akanenezannya nawe zyosi zizyo akaba nazyo mumoyo wache.

Masalimo 21:4

Bo akukulaba ubumi, ukamupa, sona ukumupa ubumi ubutali ubwa bwila na bwila.

Masalimo 45:4

Bukagha nu buchindamu bwako pakupota abalwani bako, pakuvivighilila ubwanaloli, nukwiyisya nu bugholosu. Yilekaye inyobe yako indilo yibombaye imbombo zyako izyakoghofya.

Masalimo 72:19

Itabwa lyache lichindamu, lipaliwanje bwila na bwila, sona ichisu chosi ichapasi chizulaye nu buchindamu bwache. Ameni nu Ameni.

Yesaya 60:6

Imidimo iya ngamila yikwiza pakunyama muchisu chako, utwana utwa ngamila izya mu Midiyani na mu Efa. Sona bosi aba ku Sheba bakwiza pakwiza, bo banyamuye, ugolide nutwakununkila, nukufumusya amapalo agha Mwene.

Matayi 2:11

Bakinjila munyumba nukwennya umwana poka nu nyina u Maliya, bakafughama nukumwiputa. Bakafumya ivyabupi vyabo ivya golide, ni vyakununkila ivya lubani, sona na mafuta agha mila nukumupa umwana.

Matayi 21:9

Abantu abinji babo bakaba kuntazi na kwisinda ukwa Yesu bakanda pakukolomoka ukuti, “Apaliwanje u Mwana uwa Devedi! U Chala amusaye yuyo akwiza mwitabwa ilya Mwene! U Chala apaliwanje!”

Matayi 6:10

Ubumwene bwako bwizaghe, ubwighane bwako bubombiwanje pachisu ichapasi pano ukuyana namumo kubeleye kumwanya.

Yohani 11:25

U Yesu akamubuzya akati, “Ane ne yuyo akuzyusya abantu nukubapa ubumi. Umuntu wesi yuyo akusubila mumwane akwiza pakuba nubumi napapo angafwa.

Yohani 14:19

Kwasyala akabalilo akanandi bulo ichisu ichapasi chitakwiza pakunyennya nalumo, loli amwe mukwiza pakunyennya pakuti ane ne mumi, namwe mukwiza pakuba mwe bumi.

Yohani 5:23

ukuti bosi bamuchindikaye u Mwana ukuyana namumo bakumuchindikila Uwise. Umuntu wesi yuyo atakumuchindika u Mwana, atakumuchindika nu Wise bulo yuyo akamutuma.

2 Aba Kolinti 13:14

Ichisa icha Mwene u Yesu Kilisitu nu lughano ulwa Chala, sona nu bupoka ubwa Muzimu Umuzelu vibanje namwe mwebosi.

Aba Filipi 2:11

Umuntu wesi akwiza pakumufughamilila nukwitika nu mulomo wache ukuti u Yesu Kilisitu we Mwene umwakuti u Chala u Tata apokele ubuchindamu.

1 Aba Tesalonika 3:11

Tukumulaba u Chala u Tata witu, sona nu Mwene witu u Yesu ukuti atuyanizizye izila ukuti tufike kukwinyu.

2 Timoti 4:22

U Mwene abanje nu muzimu wako. Ichisa icha Chala chibanje nawe.

2 Pitala 3:18

Loli endelela pakukula muchisa na mumahala agha Mwene, yuyo Mupoki witu u Yesu Kilisitu. Ubuchindamu bubanje kukwache ilelo mupaka bwila na bwila! Ameni.

1 Yohani 1:2

Bo aboneka umupela ubumi uyu, tukamwennya. Po tukasimikizya nizya yuyo nukulumbilila kukwinyu nizya bumi ubwa bwila na bwila bubo bukaba nu Tata, sona bukavumbuliwa kukwitu.

Yuda 1:25

U Chala mwene weyuyo Mupoki witu ukwendela mwa Yesu Kilisitu u Mwene witu. Apokelaye ubuchindamu nu bumwene, na maka nu bulaghili ukwanda ilelo mupaka bwila na bwila! Ameni.

Ubuvumbuli 1:18

Ane ne mumi. Nkafwa, loli ilelo ne mumi bwila na bwila. Indi ni nyighulilo izya bufwe, sona ni nyighulilo izya buzilo ubwa bantu abafwe.