Masalimo 72:14 - IBAYIBOLO 2024

¹⁴ Akwiza pakubapoka munyobe izya bantu babo bakubayivya na bavyongo, pakuti ibanda lyabo cho chintu icha pamwanya pamaso papache.

Masalimo 72:14 Iomraidhean Croise

Ubwandilo 48:16

Uwantumi yuyo akampoka ane kububibi bosi, abasaye abana babili banaba. Itabwa lyane ni tabwa ilya batata bane u Abulahamu nu Yisaki lyendelele pakubapo ukwendela mubana banaba. Bapapaye nkani, nukuba baluko ulukulu nkani.”

2 Samuweli 23:17

Po akati, “Wee Mwene, ane intangabomba ichintu chinichi. Nkimba ing'welaye ibanda ilya bantu babo bakabika ubumi bwabo pachulu?” Po u Devedi atakang'wela. Umu momumo abasilikali abajivu aba bakabombela.

2 Samuweli 4:9

U Devedi akamwamula u Lekabu nu wamwabo u Baana, abana aba Limoni umu Beloti akati, “Nkulapa pamaso pa Mwene yuyo akampoka muntamyo,

Masalimo 116:15

Ubufwe ubwa bantu abazelu aba Mwene, bwakubaba nkani pantazi papache.

Masalimo 130:8

Po akwiza pakumutabula u Izilayeli kumbibi zyache zyosi.

Masalimo 25:22

Wee Chala, ubapokaye aba Izilayeli kuntamyo zyabo zyosi.

Masalimo 69:18

Palamila umpoke, sona umpoke munyobe izya balwani bane.

Titi 2:14

Akiyipa mwene pachifukwa icha sweswe ukuti atusatule ku bubibi bwitu bosi nukuti tubanje bantu bache abazelu, babo balweke pakubomba imbombo inyiza.

Ubuvumbuli 17:6

Po nkennya ukuti umukolo yula akolizwe ni banda ilya bantu abazelu aba Chala, sona ni banda ilya babo bakaghoghiwa pachifukwa ichakuba bakaboni aba Yesu. Bo namwennya umukolo yula, nkaswigha nkani.

Ubuvumbuli 19:2

Ubulongi bwache bugholosu sona bwanaloli! U Chala amulonga umukolo umalaya yuyo akachinangannya ichisu ichapasi nu bwamalaya bwache. Amufunda pachifukwa ichakuti akaghogha ababombi bache.”

1 Samuweli 26:21

Po u Sabuli akati, “Wee Devedi mwana wane, nananga nyokela! Ntakwiza pakukubombela sona nachimochimo ichintu ichibibi pakuti ubumi bwane wabupima pakuba bwapamwanya nkani. Naloli ane nkabomba ivyabupunganu, sona nkapuvya nkani.”