Masalimo 72:11 - IBAYIBOLO 2024

¹¹ Abamwene bosi bakwiza pakumufughamilila, sona bope abantu aba inko zyosi bakwiza pakumubombela.

Masalimo 72:11 Iomraidhean Croise

Masalimo 86:9

Wee Mwene inko zyosi zizyo wazipela, zikwiza pakukwiputa pamaso papako, po zikwiza pakulichindika itabwa lyako.

Yesaya 11:9

Mutakwiza pakubamo ukuvulaziwa, pamo ukunanganika pighamba lyane izelu, pakuti ichisu chikwiza pakwizula nu bumanyi ubwa Mwene ngati mumo amizi ghizuliye munyanja.

Yesaya 49:7

U Mwene Umutabuli Umuzelu uwa Izilayeli, akumubuzya yuyo asuliwe nukukaniwa ninko, sona mubombi uwa balaghili akuti, “Abamwene bakwiza pakukwennya nukwimilila, amakambala ghakwiza pakukwennya nukufughamila, pachifukwa ichakuti u Mwene yuyo musubiliwa, Umuzelu uwa Izilayeli weyuyo akakusala.”

Yesaya 54:5

Pakuti umupeli wako we mulume wako, u Mwene Uwamaka Ghosi lyo litabwa lyache, Umuzelu uwa Izilayeli we mutabuli wako, akwitiziwa ukuti we Chala uwa chisu chosi ichapasi.

Mika 7:17

Bakwiza pakumyanta ulufumbi ngati njoka, ngati vipeliwa vivyo vikwavula pasi. Vikwiza pakwepa mumpako bo vikutetema, vikwiza pakunyokela kwa Mwene u Chala witu, sona vikwiza pakukunyila nkani.

Ukubelengiwa 24:7

Abene bakwiza pakuba ni vula inyinji Sona ivibyaliwa vyabo vikwiza pakuba na mizi aminji. U mwene wabo akwiza pakuba mukulu ukumuchila u Agagi sona ubumwene bwache bukwiza pakukweziwa.

Aba Loma 11:25

Mwee bakamu bane, pano pali ubwanaloli bubo bufisiwe, bubo nkulonda ukuti amwe mubumanye pakuti chikwiza pakubapela ukuti mutakizimbulaye ukuti mwe bamahala. Ubukafu ubwa moyo agha ba Izilayeli bute bwa bwila na bwila, loli bukwiza pakubako mupaka abantu bosi babo bate ba Yuda bize kwa Chala.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

Ubuvumbuli 17:14

Bakwiza pakulwa ubwite nu Mwana uwa ng'ozi. Loli u Mwana uwa ng'ozi na bitiziwa poka na basaliwa bache, bakwiza pakubapota pachifukwa ichakuti u Mwana uwa ng'ozi we Mwene uwa bamwene, sona we Mulaghili uwa balaghili.”

Ubuvumbuli 21:24

Abantu aba inko zyosi bakwiza pakwenda mu lukozyo lwache, po abamwene aba muchisu ichapasi bakwiza pakwiza nu bukabi bwabo mukaya kanaka.

Ubuvumbuli 21:26

Ubuchindamu nu bukabi ubwa bantu aba inko zyosi bukwiza pakwinjiziwa mukaya kanaka.