Masalimo 72:10 - IBAYIBOLO 2024

¹⁰ Abamwene aba mu Talishishi naba pa tusungo, bakwiza pakusonkela umusonko kukwache, sona abamwene aba mu Sheba naba mu Seba bakwiza pakwiza ni vyabupi.

Masalimo 72:10 Iomraidhean Croise

Ubwandilo 10:7

Abana aba Kushi bakaba bo aba: U Seba nu Havila nu Sabita nu Lama sona nu Sabuteka. Abana aba Lama bakaba bo aba: U Sheba nu Dedani.

1 Abamwene 10:1

Bo u mwene umukolo uwamu Sheba ivwa nizya bumanyikwe ubwa Solomoni, sona namumo akamunyililagha u Mwene, akabuka ku Yelusalemu pakumuyela na malalusyo amakafu nkani.

1 Abamwene 10:10

Po u mwene umukolo akamupa u mwene yula amakilogalamu 4,000 agha golide nu twakunonezya ivyakulya utwinji nkani, sona na mabwe aghamutengo. Patakabapo nayumoyumo yuyo akamupa u Solomoni utwakunonezya ivyakulya utwinji nkani ukuchila namumo akamupela u mwene uwamu Sheba yula.

1 Abamwene 10:2

Akafika mu Yelusalemu ni chilundilo ichikulu nkani icha bantu, bo ingamila zinyamuye utwakunonezya ivyakulya nu golide umwinji nkani, sona na mabwe aghamutengo. Bo akomana nu Solomoni, akanenezannya nawe zyosi zizyo akaba nazyo mumoyo wache.

1 Abamwene 10:25

Umwaka nu mwaka umuntu wesi akamwizilagha ni vyabupi ivyakulekanalekana: U siliva nu golide ni nkazo ni vilwilo ivya bwite ni vyakunonezya ivyakulya ni falasi sona na bana aba mpunda.

2 Imbili 9:21

U mwene akaba na mabwato amakulu nkani, ghagho ghakendagha poka na mabwato amakulu nkani agha mwene u Hilamu. Pa maka matatu ghosi ghakanyamulagha ugolide nu siliva ni mpembe izya zovu na balusanji sona na bachimo.

Esitele 10:1

U mwene u Ahaziwelo akalamula ukuti umuntu wesi mubumwene bwache bosi mupaka mulubazu ulwa nyanja asonkaye umusonko.

Masalimo 45:12

Abantu aba mu Tile, bakwiza ni vyabupi, sona abakabi nkani bakwiza pakulonda ukuti ubapelelaye ichisa.

Masalimo 68:29

Pachifukwa icha Nyumba yako mu Yelusalemu, kulakula abamwene bakwiza pakukupa ivyabupi.

Masalimo 68:30

Uvichemelaye ivinyamana vivyo vikwikala muntete, uludimo ulwankambaku zizyo zili mukasi mu ngwata. Bakanyankilaye abantu babo bakunyonywa ivyakufyula pabwite banyampannye abantu aba inko babo babughanite ubwite.

Yesaya 42:10

Mumwimbilaye u Mwene ulwimbo ulupya, amwe mwe mukufuma kubumalilo ubwa chisu mumupalaye, amwe mwe mukubuka pasi panyanja navyosi vivyo vilimumo, amwe mwe tusungo na mwebosi mwe mukwikala mumo mumwimbilaye.

Yesaya 42:4

atakwiza pakupotwa pamo ukuwa amaka, bo atikazizye ubwanaloli pachisu ichapasi. Utusungo tukulindilila indaghilo zyache.”

Yesaya 43:3

Pakuti ne Mwene, u Chala winyu, Umuzelu uwa Izilayeli, Umupoki winyu, nkwiza pakukupa u Ijiputi pakubapoka amwe, u Etiyopiya nu Seba mubuzilo bwako.

Yesaya 43:6

Nkwiza pakunena kuchisu icha kumitu ukuti, ‘Balekezye!’ sona kuchisu ichakuntende ukuti, ‘Utakabakanizyanje.’ Zagha na bana bane abalumendo ukufuma kubutali, nabana bane abalindu ukufuma kubumalilo ubwa chisu.

Yesaya 49:7

U Mwene Umutabuli Umuzelu uwa Izilayeli, akumubuzya yuyo asuliwe nukukaniwa ninko, sona mubombi uwa balaghili akuti, “Abamwene bakwiza pakukwennya nukwimilila, amakambala ghakwiza pakukwennya nukufughamila, pachifukwa ichakuti u Mwene yuyo musubiliwa, Umuzelu uwa Izilayeli weyuyo akakusala.”

Yesaya 60:3

Inko zikwiza pakwiza kulokozyo lwako, na bamwene bakwiza pakwiza pakwennya, ukulama kwako ukwa pandabindabi.

Yesaya 60:6

Imidimo iya ngamila yikwiza pakunyama muchisu chako, utwana utwa ngamila izya mu Midiyani na mu Efa. Sona bosi aba ku Sheba bakwiza pakwiza, bo banyamuye, ugolide nutwakununkila, nukufumusya amapalo agha Mwene.

Yesaya 60:9

Ghanagha mabwato ghagho ghafuma kuvyisu ivyakubutali, ivya ku Talishishi ghali pantazi, nukwiza nabana bako abalumendo ukufuma kubutali, nu golide nu siliva wabo, pakumuchindika u Mwene u Chala wako, Umuzelu uwa Izilayeli, pachifukwa akupa ubuchindamu.

Matayi 2:11

Bakinjila munyumba nukwennya umwana poka nu nyina u Maliya, bakafughama nukumwiputa. Bakafumya ivyabupi vyabo ivya golide, ni vyakununkila ivya lubani, sona na mafuta agha mila nukumupa umwana.