Masalimo 72:1 - IBAYIBOLO 2024

¹ Wee Chala, umupanje u mwene amahala aghakulongela, sona umupanje umwana uwa mwene umoyo ghugho ghubughanite ubugholosu.

Masalimo 72:1 Iomraidhean Croise

2 Samuweli 23:3

U Chala uwa Izilayeli akanena, Ilyalabwe ilya Izilayeli likanena nane likati, ‘Nanti umuntu akubalaghila abantu mubwanaloli nanti akubalaghila umwakumunyila u Chala,

1 Abamwene 1:39

Kulakula umuputi u Zadoki akasenda ibotolo ilya mafuta aghakupakazya agha misyunguti muchisakasa icha Mwene nukumupakazya u Solomoni. Po bakalizya amapati, sona abantu bosi bakakolomoka bakati, “Wee mwene u Solomoni tukukulondela ubumi ubutali!”

1 Abamwene 3:9

Polelo umpe amahala aghakubalaghilila abantu bako, sona na ghakulesannya ichiza ni chibibi. Nkimba wewenu yuyo angalulaghila uluko lwako ulukulu lunulu?”

1 Imbili 18:14

U Devedi akalaghilagha mu Izilayeli mosi sona akabombelagha vyosi mubwanaloli na mubugholosu pakasi pa bantu bosi.

1 Imbili 22:9

Loli ukwiza pakuba nu mwana umulumendo, yuyo akwiza pakuba muntu uwamutende, sona nkwiza pakumupoka munyobe izya balwani bache bosi. Itabwa lyache akwiza pakuba we Solomoni, sona nkwiza pakubapa aba Izilayeli umutende nukufwasa pakabalilo kache.

1 Imbili 29:19

Umupanje umwana wane u Solomoni umoyo uwakufikapo, umwakuti azikonkaye indaghilo na malamulo ukuti azenge inyumba yiyo nayannya pakukuzengela.”

2 Imbili 1:10

Mpanga amahala na kivwisizye umwakuti imbalongozye abantu aba. Nkimba wewenu yuyo angabalaghila abantu bako abinji banaba?”

Masalimo 127:1

Nanti u Mwene atakuyizenga inyumba, kokuti abazengi bakuyimba bulo. Nanti u Mwene atakukalindilila akaya akakulu nkani, kokuti abalindilili bakuyimba bulo.

Yesaya 11:2

Umuzimu uwa Mwene akwiza pakwikala papache, Umuzimu uwa mahala nu wakwivwisya ivintu, Umuzimu uwakumanyisya amahala nu wamaka, Umuzimu uwa bumanyi nu wakumunyila u Mwene

Yohani 3:34

Pakuti yuyo u Chala amutumite akunena amazyu agha Chala, pachifukwa ichakuti u Chala akumupa u Muzimu Umuzelu ukusita ukumamilizya.