Masalimo 71:9 - IBAYIBOLO 2024

⁹ Utakankanaye, bo naghosipa, sona utakandekaye nemwene, bo amaka ghane ghamala.

Masalimo 71:9 Iomraidhean Croise

2 Samuweli 19:35

Ane indi na maka 80. Nkimba ningalesannya pakasi pa chintu ichiza ni chibibi? Nkimba ningivwa ukunona ukwa chakulya ni chakung'wela? Nkimba ningivwa ukwimba ukwa banavuli na bakolo? Nkimba choni chicho ane ne wambombo wako nkutamyanje awe we mwene wane?

Masalimo 71:18

Wee Chala, napapo ne mughosi sona ivwi zyawa, utakandekaye nemwene. Po nkwiza pakulumbilila nizyamaka ghako mupaka inkulilo iya muntazi, sona nizyamaka ghako ku bosi babo bakwiza pakupapiwa muntazi.

Masalimo 73:26

Umubili wane nu moyo wane vingapotwa, loli u Chala we maka agha moyo wane, po akugabilagha ulusayo bwila na bwila.

Masalimo 90:10

Ubwinji ubwa masiku ghitu ghali 70 pamo 80 nanti tuli na maka, loli ubumi ubwa muntu buli nintamyo zyene sona ni chitima, vikumala lubilolubilo nkani, po twebosi tukubuka.

Yesaya 46:4

Napapo mughosipe, nene nkwiza pakubasungilila. Ane nabapela nkwiza pakubavwa, nkwiza pakuba namwe nukubapoka.

2 Timoti 1:12

sona cho chifukwa nkuyimba. Loli pope bulo inchili indi nu lusubilo pakuti imumenye yuyo namusubila. Intakwilamwa ukuti akwiza pakuvisungilila akiza vivyo akansungisya mupaka Pisiku ilyabumalilo.

2 Timoti 4:18

U Mwene akwiza pakumpoka ku bubibi bosi nukunsunga akiza mupaka nukunyinjizya mu Bumwene bwache ubwa kumwanya. Kukwache kubanje ubuchindamu bwila na bwila! Ameni.