Masalimo 71:21 - IBAYIBOLO 2024

²¹ Ukwiza pakunyonjelezya sona umuchizi wane, po ukwiza pakunsangalusya sona.

Masalimo 71:21 Iomraidhean Croise

2 Samuweli 3:1

Pakaba ubwite pakasi pa bamunyumba iya Sabuli na bamunyumba iya Devedi pakabalilo akatali nkani. U Devedi akaba na maka nkani, loli abamunyumba iya Sabuli bakadedebaladedebala.

Masalimo 18:35

Ukunvighilila ni ngulu yako iya bupoki, inyobe yako indilo yanyavwanga, ubwavwilizi bwako bwankwezya.

Masalimo 23:4

Napapo nkwenda mwikombe ilya chisi icha bufwe, ntakwiza pakunyila ichintu ichibibi nachimochimo, pakuti uli nane. Intughu ni ndisa yako vikunsangalusya.

Masalimo 32:10

Intamyo inkulu nkani zikubawilagha abantu ababibi, loli ulughano ulwa Mwene lulo lutakupotwangapo nalumolumo lukumusungilila akiza umuntu yuyo asubiye mumwache.

Masalimo 72:11

Abamwene bosi bakwiza pakumufughamilila, sona bope abantu aba inko zyosi bakwiza pakumubombela.

Masalimo 86:17

Undanjizye ichimanyilo icha bwiza bwako, umwakuti abantu babo bambengite bennye, nukukoziwa isoni, pachifukwa ichakuti awe we Mwene wanyavwa, nukunsangalusya.

Yesaya 12:1

Pisiku lilalila mukwiza pakwimba ukuti, “We Mwene! Nkukupalizya pakuti ukankalalila, ilelo ubukali bwako bwatozoka sona wansangalusya.

Yesaya 49:13

Wee chisu icha kumwanya, sekelagha wee chisu ichapasi wimbaye inyimbo. Wee maghamba wimbaye! Pakuti u Mwene akubasangalusya abantu bache nukuba ni chililizi na babo bakuyimba.

Yesaya 49:6

U Mwene akamubuzya akati, “Ko kantu akanandi nkani, akakuti, ubanje we mubombi wane. Utakwiza pakubomba yene, iya kubanyosezya abaluko ulwa Yakobo, sona nukubanyosezya aba Izilayeli babo bakasyalako, loli nkwiza pakukupela pakuba we lukozyo ulwa bantu babo bate ba Yuda, umwakuti abantu bosi aba muchisu ichapasi bapokiwe.”

Yesaya 9:7

Ukonjeleziwa ukwa bulaghili bwache nu mutende butakwiza pakumala. Akwiza pakulaghila pachitengo icha Devedi napabumwene bwache, pakubwikazya nukubukuzya mubwanaloli nu bugholosu ukwanda pakabalilo kalakala sona bwila na bwila. Ulweke ulwa Mwene Uwamaka Ghosi lukwiza pakuzimalizya zinizi.

2 Aba Kolinti 2:14

Loli u Chala apaliwanje, yuyo mwa Kilisitu akabalilo kosi akutulongolela palusekelo ulwa bupoti, sona ukwendela mumwitu pakufumusya nizya Kilisitu posi na posi ngati gho munusi umwiza.

2 Aba Kolinti 7:13

Polelo twasangalusiwa nkani. Ukonjelezya pabusangalusu bwitu tukahoboka nkani nu busangalusu ubwa Titi pakuti mwebosi mukamusangalusya.

2 Aba Kolinti 7:6

Loli u Chala, yuyo akusangalusya abantu babo bawa amaka, akatusangalusya nukwiza ukwa Titi.

1 Aba Tesalonika 3:9

Nkimba tungamupalizya bulibuli u Chala umwakufikapo pachifukwa icha mwemwe? Tukumupalizya pachifukwa icha buhobosu bubo tuli nabo pantazi papache pachifukwa icha mwemwe.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”