Masalimo 7:9 - IBAYIBOLO 2024

⁹ Wee Chala umugholosu, we uzimenye inyinong'ono nu moyo uwa muntu, zimizya imbombo izya bantu ababibi, sona ubikazyanje abagholosu.

Masalimo 7:9 Iomraidhean Croise

Ubwandilo 20:5

U Abulahamu umwenecho weyuyo akati, ‘Yunuyu we muyemba wane,’ sona wepe u Sala akati, ‘Yunuyu we muyemba wane.’ Ane nkabomba chinichi nu mabyebye wane umwiza, po intakanangapo napo panandi.”

1 Abamwene 8:32

ivwa uko kumwanya kuko ukwikala nukubombapo zimo nukulonga inongwa iya pakasi pa babombi bako. Umuntu yuyo aghiwa ninongwa umulamule ukuti ananga, sona umufunde ukuyana nukunanga kwache. Loli umuntu yuyo atanangite umulamule ukuti ate ninongwa nukumupa umuvwalo ukuyana nu bugholosu bwache.

1 Imbili 28:9

“Wee mwana wane Solomoni, umwivwilaye nukumubombela u Chala uwa ghuso nu moyo wako ghosi pakuti u Mwene azimenye inyinong'ono izya muntu na kabombele kache. Nanti ukumulondelezya, ukwiza pakumwagha, loli nanti ukumusula, wepe akwiza pakukukana bwila na bwila.

Masalimo 10:15

Ughamazyanje amaka agha muntu umubibi, sona nu mubomba mbibi. Umufundaye pachifukwa icha mbibi zyache, ukuti atakazibombaye sona.

Masalimo 10:18

Ubimilaye abalanda na bakuyiviwa ukuti umuntu wesi, yuyo akwikala pachisu ichapasi, atakaboghofyanje sona.

Masalimo 11:5

U Mwene akubapima abagholosu, loli ababengite abantu ababibi, na babo bavighanite ivyongo.

Masalimo 139:1

Wee Mwene wandondelezya akiza, sona umenye akiza nkani.

Masalimo 17:3

Napapo ungaghuyela umoyo wane, pamo ukumpima pabusiku, loli utanganyagha ninongwa nayimoyimo. Nadumula ukuti umulomo wane ghutakwiza pakunanga.

Masalimo 18:21

Pakuti nazikonkagha indaghilo izya Mwene, sona intabombitepo nayimo imbibi nukumukana u Chala wane.

Masalimo 26:2

Wee Mwene, njezya nukumpima. Sona ughupime umoyo wane ni nyinong'ono zyane zyope.

Masalimo 35:23

Mwene wane, vundumuka ukuti unvighilile, Chala wane, nyamuka nukundwila ubwite.

Masalimo 37:23

Nanti u Mwene ahoboka ni nkalo iya muntu, akumulongozya mukendele kache.

Masalimo 40:2

Akanyefyamo muchiliba ichakoghofya, nukunzubula mumatope na muvinyazu. Po akazikanyizya inyayo zyane pilyalabwe, sona akazikazya inyayo zyane.

Masalimo 43:1

Wee Chala, umpimaye pakuba ne muntu yuyo atanangitepo, unyimilaye panongwa yane na bantu babo batakumenye, sona umpokaye munyobe izya bantu abazimbuli na babibi.

Masalimo 44:21

nkimba ngali u Chala atakazyaghannya zinizi, pakuti azimenye izya kubusyefu bosi ubwa moyo uwa muntu?

Masalimo 58:6

Wee Chala, ubakule amino mumulomo wabo, Wee Mwene pyolannya amino agha nkalamu zinizi!

Masalimo 9:9

U Mwene we wakuvwamamo abantu abakuyivyiwa sona we pakuponelamo pakabalilo akantamyo.

Masalimo 96:10

Mubabuzye abantu aba inko izinji mutinji, “U Mwene akulaghila.” Ichisu ichapasi chikalanite nkani, sona chitangayingana napo panandi. Akwiza pakubalonga abantu aba inko zyosi umwakuyana bulo.

Masalimo 96:13

Vikwiza pakwimba pamaso pa Mwene, bo akwiza pakuchilonga ichisu ichapasi. Akwiza pakuchilongela ichisu ichapasi mubugholosu, sona akwiza pakuzilonga inko mubwanaloli.

Masalimo 98:9

Vileke vyimbaye pamaso pa Mwene, pakuti akwiza pakuchilonga ichisu. Akwiza pakuchilonga ichisu mubugholosu, sona akwiza pakuzilonga inko zyosi umwakuyana bulo.

Yelemiya 11:20

Loli wee Mwene Uwamaka Ghosi, wewe ukulongela mubugholosu uzimenye izya mumoyo na munyinong'ono, leka nennye ukutanizya kwako pabantu aba, pakuti nayibika inongwa yane kukwako.

Yelemiya 17:10

“Ane ne Mwene nkwenelezya inyinong'ono, nukughupima umoyo, nkumupa umuntu umuvwalo ukuyana ni nkalo yache, sona ukuyana ni mbombo zyache.”

Yelemiya 20:12

Wee Mwene Uwamaka Ghosi, wewe ukubayela abagholosu, ukuzyennya zizyo zili mumoyo ghabo na munyinong'ono zyabo. Leka nennye ukutanizya kwako papabo, pakuti nayibika inongwa yane munyobe zyako.

Daniyeli 11:45

Akwiza pakuzenga ivisakasa ivya bumwene pakasi panyanja sona ni ghamba izelu lilyo lyakuboneka akiza nkani. Loli akwiza pakufwa, sona atalipo nayumoyumo uwakumwavwa.”

Imbombo 12:23

Panapo na panapo uwantumi uwa Mwene akamukoma u Helodi pakuti atakamuchindika u Chala. Isomi zikamulya nukufwa.

Aba Loma 16:25

U Chala achindikiwanje. Ali na maka pakubakazya mulwitiko lwinyu, ukuyana na Mazyu Amiza agha Yesu Kilisitu ghagho nalumbilila, sona ukuyana nu buvumbuli ubwa vintu izyakubusyefu vivyo vikafisiwa ukwanda kale.

1 Aba Tesalonika 3:13

Bunubu akwiza pakughakazya amoyo ghinyu umwakuti mubanje bantu abasita chilema nachimochimo, sona na bazelu pamaso pa Chala u Tata witu, bo u Mwene witu u Yesu Kilisitu akwiza sona poka na bantu abache na bache abazelu.

1 Pitala 5:10

Loli bo mwayimbapo panandi, u Chala uwachisa, yuyo akubitizya pakugabana ubuchindamu ubwa bwila na bwila poka nu Kilisitu, akwiza pakubapyanizikizya papo, nukubavwa nukubakazya, sona nukubikazya palwalo ulukafu.

Yuda 1:1

Ane ne Yuda umubombi uwa Yesu Kilisitu, sona nu mukamu uwa Yakobo. Nkubasimbila abantu babo bitiziwa nu Chala, babo baghaniwe nu Chala u Tata nukusungililiwa nu Yesu Kilisitu.

Ubuvumbuli 2:23

Nkwiza pakubaghogha abantu babo bakendagha nawe, po ivipanga vyosi vikwiza pakumanya ukuti ane nene nkughamanya amoyo ghabo, sona ni nyinong'ono zyabo. Nkwiza pakumulipila umuntu wesi ukuyana ni mbombo zyache.

1 Samuweli 16:7

Loli u Mwene akamubuzya u Samuweli akati, “Utakennyanje akabonekele kache, pamo ubutali bwache, pakuti ane namukana. U Mwene atakwennya ukuyana namumo abantu bakwenezezya. Abantu bakwennya akabonekele, loli u Mwene akwennya mumoyo.”

1 Samuweli 2:9

Akwiza pakuzizighilila inyayo izya bantu bache abasubiliwa. Loli abantu ababibi bakwiza pakuba bulo myee muchisi. “Umuntu atangapota na maka aghache na ghache.