Masalimo 7:6 - IBAYIBOLO 2024

⁶ Wee Mwene, vundumuka mubukalale bwako, nyamuka umwakuti ulwanje na balwani bane abakali. Wee Chala wane lamusya, umwakuti ulongelaye mubwanaloli.

Masalimo 7:6 Iomraidhean Croise

2 Samuweli 17:14

U Abisalomu poka naba Izilayeli bosi bakati, “Ifundo iya Hushayi umu Alikiti nyizapo ukuchila ifundo iya Ahitofeli.” Pakuti u Mwene akalondagha pakuyivulungannya ifundo inyiza iya Ahitofeli, umwakuti amuwisizye intamyo u Abisalomu.

Masalimo 103:6

U Mwene akulongela mubwanaloli inongwa izya bantu bosi babo bakuyivyiwa.

Masalimo 12:5

“Pachifukwa ichakuti abadedebazu bakuyivyiwa, sona nukuti abapotwe bakukoloma, ane ne Mwene nkwiza pakuvundumuka. Ane ne Mwene nanena. Nkwiza pakubapoka munyobe izya babo bakubayivya.”

Masalimo 138:7

Napapo nkwenda muntamyo, ukubusungilila ubumi bwane. Ukugholosya inyobe yako pakubakanizya abalwani bane babo bankalaliye, sona inyobe yako indilo yikumpoka.

Masalimo 143:3

Umulwani akunchimbizya, nukunkanyankila pasi. Akunyikazya muchisi ngati po ne muntu yuyo akafwa kale.

Masalimo 3:7

Wee Mwene vundumuka, wee Chala wane mpoka! Ubakomaye kunjegho abalwani bane bosi, sona ubakulaye amino abantu ababibi.

Masalimo 35:1

Wee Mwene, ubasusyanje abantu babo bakususannya nane, sona lwana na bantu babo bakulwa nane.

Masalimo 35:23

Mwene wane, vundumuka ukuti unvighilile, Chala wane, nyamuka nukundwila ubwite.

Masalimo 44:23

Wee Mwene, lamusya, sona nkimba choni chicho ukughona utulo? Nyamuka, sona utakatuleke twebene bwila na bwila.

Masalimo 44:26

Nyamuka nukutwavwa, sona ututabule pachifukwa icha lughano lwako lulo lutakupotwa nalumolumo.

Masalimo 59:5

Wee Mwene u Chala Uwamaka Ghosi, sona Chala uwa Izilayeli, vundumuka ukuti ubafunde abantu aba inko izinji, sona utakabapelelaye ichisa abantu ababibi abazimbuli.

Masalimo 73:20

Wee Mwene, ukwiza pakubachimbizya abantu banaba, ngati muntu yuyo akulota, akuvisamula ivilota vyache pandabindabi

Masalimo 74:3

Wendelaye ivisami vyako ivya bwila na bwila. Abalwani banangannya ivintu vyosi mubuzilo bwako ubuzelu.

Masalimo 78:65

Pabulamilo u Mwene akaba ngati alamusya bulo mutulo, ngati po muntu uwamaka yuyo akukolomoka pachifukwa icha kukolwa.

Yesaya 3:13

U Mwene iyannya pakulonga inongwa, imilila pakulonga inko zyache.

Yesaya 33:10

U Mwene akuti, “Ilelo nkwiza pakunyamuka, ilelo nkwiza pakupaliwa sona ilelo nkwiza pakukweziwa.

Yesaya 37:20

Po ilelo, wee Mwene Chala witu, tupoke munyobe zyache, umwakuti ubumwene bosi muchisu ichapasi bumanye ukuti awe wemwene we Mwene, we Chala.”

Yesaya 51:9

Vundumuka, vundumuka! Mujimbaye, Wee nyobe iya Mwene, vundumuka ngati mumo ukabombelagha, mumasiku ghagho ghachilapo pakabalilo aka nkulilo iya kale. Nkimba utakaba wewe ukamudumulannya u Lahabu muvipuza, nukuyilasa injoka yila?