Masalimo 7:5 - IBAYIBOLO 2024

⁵ po umulwani wane anchimbizyanje nukundema, ankanyankile pasi nukungogha, sona ansyile mwipumpa.

Masalimo 7:5 Iomraidhean Croise

Yobu 16:15

Nasonela amasaka kumubili wane nukughasyila amaka ghane mulufumbi.

Masalimo 3:2

Abinji bakutinji, “U Chala atangamupoka.”

Masalimo 44:5

Pachifukwa icha maka ghako tukubapota abalwani bitu, sona na pachifukwa icha itabwa lyako tukabakanyankila pasi abakulwana naswe.

Masalimo 49:12

Napapo umuntu angaba mukabi, pope bulo akufwanga ngati mumo vikufwila ivinyamana.

Masalimo 60:12

Nanti u Chala ali naswe, po tukwiza pakupota ubwite, pakuti weyuyo akwiza pakubakanyankila abalwani bitu.

Yesaya 10:6

Nkumutuma pakulwana ninko zizyo zitakumunyila u Chala, abantu babo bankalalizizye ane nkubatuma, nkumulamula ukuti azompole nukufyula, nukubakanyannya ngati matope agha mumusebo.

Yesaya 63:3

“Nakanyakanyamo nemwene umwakukanyilamo amampesya, ukwandila ku inko atalipo nayumo, yuyo akaba nane. Nkazikanyila pasi inko mubukali bwane, po bosi nkabakanyila pasi nubukalale bwane, ibanda lyabo likapaka amenda ghane.

Yelemiya 17:13

Wee Mwene we lusubilo ulwa ba Izilayeli, abantu bosi babo bakukukana bakwiza pakukoziwa isoni. Babo bakukuleka bakwiza pakusyiliwa mulufumbi pachifukwa ichakuti bamukana u Mwene, imbwibwi iya mizi amumi.

Habakuku 3:13

Ukiza pakubapoka abantu bako, pakubapoka abapakiwa bako. Ukamukoma umulongozi uwa chisu icha bantu ababibi bala, nukumuleka bwazi ukwanda kumutu mupaka kunyayo.

Zekaliya 10:5

Bosi poka bakwiza pakuba ngati bantu abamaka, abakubakanyankila mumatope abalwani babo. Bakwiza pakulwa nkani, pachifukwa ichakuti u Mwene ali nabo, bakwiza pakubapota abakukwela pafalasi.

Malaki 4:3

“Po Mukwiza pakubakanyankila pasi ababomba mbibi, sona bakwiza pakuba litoyi ilya kunyayo zyinyu pisiku lilyo nkwiza pakubomba zinizi,” U Mwene Uwamaka Ghosi anena.

1 Samuweli 24:11

Tata wane, ennya akamwenda aka nkazo yako munyobe yane. Ngali nakughoghite loli nkadumula bulo akamwenda aka. Po uzimanye ukuti ane inte ni nyinong'ono nazimo izya kukusambukila pamo ukughogha. Ane intakunangiyepo nachimochimo, loli ukumbingambinga ukuti ungoghe.

1 Samuweli 24:18

Ilelo wambombela ubwiza pakuti utangoghite, bo u Mwene ambika munyobe zyako.

1 Samuweli 24:20

Naloli ilelo nazimanya ukuti ukwiza pakuba we mwene uwa Izilayeli, sona nukuti ubumwene ubwa Izilayeli bukwiza pakuba pasi pabulaghili bwako.