Masalimo 7:17 - IBAYIBOLO 2024

¹⁷ Nkumupalizya u Mwene pachifukwa icha bwanaloli bwache, sona nkwiza pakumwimbilagha inyimbo izya mapalo u Chala Uwakumwanya Nkani.

Masalimo 7:17 Iomraidhean Croise

2 Samuweli 3:29

Ibanda lyache libanje pamutu uwa Yowabu, na pabamunyumba yosi iya wise. U Chala abafunde nkani abamunyumba yache ni nkonko, na mambombo, sona nu bulemazu. Abamunyumba yache baghoghiwanje na bapanga, sona babanje basita chakulya.”

1 Abamwene 2:32

U Mwene akwiza pakumutanizya pachifukwa ichakubaghogha abantu babili bala, babo bakaba bantu abagholosu ukumuchila yuyo, ukusita utata wane u Devedi ukuzimanya. Abantu babili banaba bo aba: U Abinala umwana uwa Neli, usongo uwa basilikali aba Izilayeli, sona nu Amasa umwana uwa Yeteli, usongo uwa basilikali aba Yuda.

Esitele 9:25

Loli bo u mwene azyaghannya zizyo akalondagha pakubomba, akabika ululaghilo ulusimbe ulwakuti ichintu ichibibi chicho u Hamani akabatika pakubabombela aba Yuda chimuwile yuyo. Po u Hamani na bana bache bakapayikiwa pikwi.

Masalimo 111:3

Imbombo zyache zyabuchindamu, ubugholosu bwache ubwa bwila na bwila.

Masalimo 140:10

Amazimwa agha moto ghabawilaye, sona basumbiwanje muchiliba icha moto umwakuti batakepayemo nalumo.

Masalimo 145:7

Bakwiza pakusekela pachifukwa icha bwiza bwako, nukwimba inyimbo umwakuhoboka, pachifukwa icha bugholosu bwako.

Masalimo 35:28

Po nkwiza pakulumbilila ubugholosu bwako nukukupala amasiku ghosi.

Masalimo 51:14

Wee Chala Umupoki wane, umpokaye munyobe izya bantu abaghoghi, po nkwiza pakukwimbila pachifukwa ichakuti we mugholosu.

Masalimo 9:2

Nkwiza pakuhoboka nukusekela pachifukwa icha wewe, sona nkwiza pakulipalagha itabwa lyako, wee Wakumwanya Nkani.

Masalimo 92:1

Chintu chiza nkani pakumupala u Mwene. Ukulyimbila inyimbo itabwa lyako, Wee Wakumwanya Nkani,

Masalimo 92:8

Loli awe we Mwene upaliwanje bwila na bwila.

Masalimo 98:2

U Mwene abuvumbula ubupoki bwache, sona abavumbuliye ubugholosu bwache abantu aba inko izinji.

Daniyeli 4:17

Ululaghilo ulu lwasimikiziwa na bantumi abazelu, po abantu bosi bamanye ukuti u Chala uwakumwanya nkani weyuyo akulaghila ubumwene bosi ubwa bantu sona nukuti akumupa umuntu wesi yuyo akumulonda pakumupa, nukumwikazyapo umuntu uwapasi nkani pabumwene bulabula.

Daniyeli 4:25

Ukwiza pakuchimbiziwapo pakasi pabantu nukwikala poka ni vinyamana. Ukwiza pakulya isote ngati ng'ombe, sona ukwiza pakunyeka ni nganda. Bo ghachilapo amaka seveni, ukwiza pakumanya ukuti Uwakumwanya Nkani weyuyo akulaghila ubumwene bosi ubwa bantu, sona akumupa umuntu wesi yuyo akulonda pakumupa.

Daniyeli 4:34

Bo pachilapo akabalilo kala, ane ne Nebukadineza, nkennya kumwanya po ubuntu bwane bukanyokelamo. Nkamupala u Chala uwakumwanya nkani, sona nkamukwezya nukumuchindika u Chala yuyo aliko bwila na bwila ukuti: Ubulaghili bwache bwa bwila na bwila, sona ubumwene bwache bukubangako inkulilo zyosi.

Imbombo 7:48

Loli u Chala Uwakumwanya Nkani atakwikala munyumba zizyo zizengiwe na bantu, ukuyana namumo umulaghuzi akulaghulila ukuti,

Abalongi 9:24

Izi zikaba bunubu pakutanizya ibanda ilya bana 70 aba Yelubi Baala, babo bakaghoghiwa, pakasi pa Abimeleki napa benekaya aba mu Shekemu.

Abalongi 9:57

U Chala akabatanizya abantu aba mu Shekemu pachifukwa icha bubibi bwabo bosi. Po ichighune icha Yotamu umwana uwa Yelubi Baala chikabawila babo.