Masalimo 69:4 - IBAYIBOLO 2024

⁴ Abakumbenga binji nkani ukuchila isisi izya kumutu wane, sona abalwani bane babo bakulonda pakungogha binji nkani, umwakuti banfyengite bulo pakunyosezya papo ichintu chicho intibite?

Masalimo 69:4 Iomraidhean Croise

Masalimo 35:19

Batakasekelelaye papane pamo abantu babo bambengite, batakanyennyanje ni lyiso ichesamu.

Masalimo 40:12

Pakuti intamyo zizyo zitangabelengiwa zizyunguliye, imbibi zyane zyamila, po intangennya sona. Imbibi zyane nyinji nkani ngati sisi izya kumutu wane, sona amaka ghamalila.

Masalimo 59:3

Wee Mwene, ennya namumo bamvwamililiye ukuti bangoghe, abantu abakoghofya bakunvwimavwima, Wee Mwene napapo inte ninongwa pamo ukubanangila chimo.

Masalimo 6:7

Amaso ghane ghakwennya akafobela pachifukwa icha chitima, sona ghakwennya ichisi pachifukwa icha bosi babo bakumbenga.

Yohani 15:25

Loli ichi chikabombiwa ukuti amazyu ghabo ghasimbiwe mu Ndaghilo zyabo ghakwanilisiwe ukuti, ‘Bakambenga pabusita chifukwa nachimochimo.’

2 Aba Kolinti 5:21

U Yesu atakanangapo nachimo, loli u Chala akamupela ngati po wambibi pachifukwa icha sweswe ukuti ukwendela mumwache tunganeniwa pakuba bantu abagholosu pamaso pa Chala.

1 Pitala 2:22

Umwene atakabombapo nayimoyimo imbibi, sona nayumo umuntu yuyo akamwivwapo akunena ubumyasi pamulomo wache.

1 Pitala 2:24

U Yesu Kilisitu umwenecho akanyamula imbibi zyitu mumubili wache pachipinjika, umwakuti aswe tufwe kumbibi nukuba bumi pakubomba ubugholosu. Mwapola pachifukwa icha vilonda vyache.

1 Pitala 3:18

Pakuti u Kilisitu akafwa lyoka mpela pachifukwa icha mbibi izya bantu bosi, umugholosu pakubafwila abasita bugholosu, umwakuti atufisye pamaso pa Chala. Pakunena nizya mubili wache akafwa, loli akazyuka kubufwe mumuzimu.