Masalimo 69:36 - IBAYIBOLO 2024

³⁶ Abana aba babombi bache bakwiza pakuchipyana, sona babo balighanite itabwa lyache bakwiza pakwikala mulamula.

Masalimo 69:36 Iomraidhean Croise

Masalimo 102:28

Abana aba babombi bako bakwiza pakwikala pamaso papako, sona abaluko lwako bakwiza pakwikalana pamaso papako.”

Masalimo 37:29

Abagholosu bakwiza pakupyana ichisu, sona bakwiza pakwikalagha mulamula bwila na bwila.

Masalimo 91:14

U Mwene akuti, “Pachifukwa ichakuti anganite, nkwiza pakumupoka. Nkwiza pakumupoka pachifukwa ichakuti akunyitika.

Yesaya 44:26

yuyo akunyamula amazyu agha babombi bache, nukukwanilisya zizyo intumi zyache zikanenela zila, yuyo akunena nizya Yelusalemu ukuti, ‘Akwiza pakuba na bantu abakwikalamo,’ mutwaya utukulu utwa Yuda, ‘Tukwiza pakuzengiwa sona,’ ivisami vyabo vyope, ‘Nkwiza pakuvizenga sona,’

Yesaya 61:9

Abaluko lwabo bakwiza pakumanyikwa pakasi pa inko, sona abana babo pakasi pabantu. Bosi babo bakubennya bakwiza pakwitika, ukuti aba bo bantu babo u Mwene abasaya.”

Yohani 14:23

U Yesu akamwamula akati, “Umuntu wesi yuyo anganite akwiza pakwivwila ubumanyisi bwane. Utata wane akwiza pakumughana, sona Utata wane poka nane tukwiza kukwache nukwikala nawe.

Imbombo 2:39

Pakuti u Chala akabalayizya ichi amwe poka na bana binyu, sona na bantu bosi babo bali kubutali—abantu bosi babo u Mwene u Chala witu akwiza pakubitizizya kukwache.”

Aba Loma 8:28

Tuzimenye ukuti ivintu vyosi vikubendela akiza abantu babo bamughanite u Chala, babo bitiziwa ukuyana nu bwighane bwache.

Yakobo 1:12

Musayiwa umuntu yuyo akujimba nkani munjelo, pakuti nanti ajimba, akwiza pakupokela impumpu iyabumi yiyo u Chala akabalayizya abantu bache babo bamughanite.

Yakobo 2:5

Mwee bakamu bane abaghaniwa, ivwa kuno! Nkimba u Chala atakabasala abantu abapina aba muchisu ichapasi ukuti babanje bakabi mulwitiko nukupyana ubumwene, bubo akabalayizya abantu babo bamughanite?

Ubuvumbuli 21:27

Loli mute mukinjilemo nachimochimo ichintu chicho chinyazu, pamo umuntu wesi yuyo akubomba imbombo izya kukozya isoni pamo umumyasi. Abantu bene babo amatabwa ghabo ghasimbiwe mwibuku ilya bumi ilya Mwana uwa ng'ozi, bo babo bakwiza pakwinjilaghamo.