Masalimo 69:35 - IBAYIBOLO 2024

³⁵ Pakuti u Chala akwiza pakumupoka u Ziyoni, akwiza pakutuzenga sona utwaya utukulu nkani utwa mu Yuda. Po abantu bakwiza pakusamilamo nukwikala mulamula.

Masalimo 69:35 Iomraidhean Croise

1 Imbili 16:32

Inyanja yipomaye poka ni vipeliwa vivyo vili mumo. Amaghunda ghasekelaye poka ni vintu vyosi vivyo vili mulamula.

Masalimo 102:13

Ukwiza pakunyamuka nukukapelela ichisa akaya akakulu nkani aka Ziyoni. Pakuti aka ko kabalilo akakulanjizya ichisa, sona akabalilo akenecho kafika.

Masalimo 102:16

Pakuti u Mwene akwiza pakukazenga sona akaya akakulu nkani aka Ziyoni, sona akwiza pakuboneka mubuchindamu bwache.

Masalimo 145:10

Wee Mwene, ivya bumi vyosi vikwiza pakukupala bope abantu bako abazelu bakwiza pakukuchindika.

Masalimo 145:21

Umulomo wane ghukwiza pakumupala u Mwene, sona ivipeliwa vyosi vilipalaye itabwa lyache izelu bwila na bwila.

Masalimo 148:4

Wee kumwanya nkani, umupalaye, sona mwee mizi agha kumwanya nkani, namwe mumupalaye.

Masalimo 51:18

Ubabombelaye ubwiza abantu aba mu Ziyoni, zengagha sona ulupaso ulwa Yelusalemu.

Yesaya 14:32

Nkimba tukwiza pakuzyamula bulibuli intumi izya luko lula? “U Mwene amwikazya u Ziyoni, mumayimba ghache, momumo abantu bakwiza pakubwaghilaghamo ubupoki.”

Yesaya 44:23

Wee chisu icha kumwanya, imbagha nulusekelo, pakuti u Mwene abomba zinizi. Kolomoka nkani, wee chisu ichakusi, kolomoka mwe maghamba, imbagha mwe misitu, sona namakwi ghako ghosi, pakuti u Mwene amutabula u Yakobo, amulanjizya u Izilayeli ubuchindamu bwache.

Yesaya 44:26

yuyo akunyamula amazyu agha babombi bache, nukukwanilisya zizyo intumi zyache zikanenela zila, yuyo akunena nizya Yelusalemu ukuti, ‘Akwiza pakuba na bantu abakwikalamo,’ mutwaya utukulu utwa Yuda, ‘Tukwiza pakuzengiwa sona,’ ivisami vyabo vyope, ‘Nkwiza pakuvizenga sona,’

Yesaya 46:13

Nkwiza nu bugholosu kupipi, bute kubutali awe, nu bupoki bwane butakwiza pakukabila. Nkwiza pakukapoka akaya aka Ziyoni, nukubapa ubuchindamu aba Izilayeli.

Obadiya 1:17

Loli pighamba ilya Ziyoni bakwiza pakwikalapo abapokiwa, sona abaluko ulwa Yakobo bakwiza pakuba nichilingo ichabo.

Ubuvumbuli 14:1

Pisinda pache nkenelezya nukwennya u Mwana uwa ng'ozi imite pighamba ilya Ziyoni. Palapala akaba poka na bantu 144,000, babo pa vyeni vyabo pakasimbiwapo itabwa lyache, ni tabwa ilya wise.