Masalimo 69:3 - IBAYIBOLO 2024

³ Nadedebaye pachifukwa icha kulila, sona kusingo kope kumiye. Amaso ghane ghakwennya akafobela, bo nkulindilila u Chala wane.

Masalimo 69:3 Iomraidhean Croise

Yobu 11:20

Abantu ababibi bakwiza pakwennya akafobela, sona bakwiza pakupulumpagha bulo. Ulusubilo lwabo lukwiza pakufwa.”

Yobu 16:16

Amaso ghane ghachesamite pachifukwa ichakulila, sona amaso ghane ghizuye.

Masalimo 119:123

Amaso ghane ghalita pakulindilila ubupoki. Pakulindilila ilayizyo lyako iligholosu.

Masalimo 119:82

Amaso ghane ghalita pakulindilila zizyo ukundayizya, po nkuti, “Nkimba ukwiza pakunsangalusya liyi?”

Masalimo 22:15

Amaka ghane ghumiye ngati lwinga, lope ululimi lwane lukakatiye ku njegho zyane. Wandambalizizye mulufumbi ukuti infwilaye mulamula.

Masalimo 22:2

Wee Chala wane pamusanya nkulila, loli utakunyamula, pabusiku intakupuma sona ntakutuzyapo napo panandi.

Masalimo 25:21

Ubwiza nu bugholosu vinvighililaye akiza, pakuti nkusubiye wewe.

Masalimo 39:7

“Wee Mwene, po nkimba nkulindilila ichoni? Ane nkukulindilila wewe.

Masalimo 40:3

Mumulomo wane akabikamo ulwimbo ulupya, ulwimbo ulwakumupala u Chala witu. Abinji bakwiza pakuzyennya zinizi nukunyila, po bakwiza pakumusubila u Mwene.

Masalimo 6:6

Nalita pakukoloma, ubusiku bosi nkuchinyezya ichitala chane na masozi, sona nkuchidwibika mumasozi ichitengo chane.

Masalimo 69:21

Bakambikila akanyongo muchakulya, sona bo indi ni nyota bakampa uvinyo umusape.

Masalimo 88:7

Ubukali bwako bukunfyenyelekezya pasi, po ghope amayigha ghako ghosi ghakundwibika.

Yesaya 38:14

Izyu lyane likaghanda sona likaba lidedebazu, nkalila ngati nkunda. Amaso ghane ghakalita pakwennya kumwanya ukuti indabe ubwavilizi. Wee Mwene indi muntamyo, unyavwe!”

Nkuto 2:11

Amaso ghane ghizuye pachifukwa icha kulila, sona mukasi muli ubwite. Ghope umoyo wane wavulala, pachifukwa ichakunanganika ukwa bantu bane. Pakuti abana na babonda bakuzililika mumisebo iya kaya akakulu nkani.

Yohani 19:28

U Yesu akazimanya ukuti imbombo yiyo akizila yamala, sona ukuti Amasimbo ghakwanilisiwe akanena ukuti, “Numilwe.”

Ukukumbusya Amalamulo 28:32

Abayeni bakwiza pakubalema abana bako abalumendo na balindu pakuba bazya, bo ukwennya na maso ghako. Isiku ni siku amaso ghako ghakwiza pakubanga kuzila, bo ukulindilila ukuti pamo abana bako bakwiza pakunyokela, loli utakwiza pakubombapo nachimochimo.

Aba Hebeli 5:7

Mumasiku agha bumi bwache muchisu ichapasi, u Yesu akiputa nukulambilizya kwa Chala umwakukolomoka ukukulu nkani, sona na masozi pakumulilila yuyo angamupoka kubufwe. U Chala akamwivwa pachifukwa ichakwiyisya nukwiyipa kwache.