Masalimo 69:28 - IBAYIBOLO 2024

²⁸ Ughazimye amatabwa ghabo mwibuku ilya bumi, sona batakasimbiwanje poka na bantu abagholosu.

Masalimo 69:28 Iomraidhean Croise

Yesaya 4:3

Abantu babo bakalekiwa mu Ziyoni, na babo bakwiza pakupona mu Yelusalemu bakwiza pakwitiziwa bazelu, bosi babo basimbiwe poka na bantu abumi aba mu Yelusalemu.

Yesaya 65:16

Wesi yuyo akulaba ulusayo muchisu, akwiza pakulwaghila mwa Chala uwa bwanaloli, wesi yuyo akulapa ichilapo muchisu, akwiza pakulapila mwa Chala uwa bwanaloli. Pakuti intamyo izyakale zikwiza pakuluviwa, nukufisiwa pamaso papane.

Ezekiyeli 13:9

Nkwiza pakabafunda abalaghuzi babo bakuvyennya ivisetuka ivyabumyasi sona bakulaghula ivyabumyasi. Batakwiza pakubangapo pankomano izya bantu bane pamo ukusimbiwa mumabuku agha ba Izilayeli, pamo ukwinjila ichisu icha Izilayeli. Po mukwiza pakumanya ukuti ane ne Mwene Uwamaka Ghosi.

Hoseya 1:9

Po u Mwene akati, “Umwite ukuti we Lo Ami, pakuti te mwe bantu bane, sona ane inte ne Chala winyu.

Luka 10:20

Loli mutakahobokaye pachifukwa ichakuti imizimu imibibi yikabivwila, loli muhobokaye nkani ukuti amatabwa ghinyu ghasimbiwe kumwanya.”

Aba Filipi 4:3

Eee, nkukulaba nawe bulo, we mubombi wamwitu umusubiliwa, ukuti ubavwe abakolo aba, pakuti bakabomba nkani poka nane pakufumusya Amazyu Amiza, poka nu Kelementi, sona na babombi abamwitu bosi, babo amatabwa ghabo ghasimbiwe mwibuku ilya bumi.

Aba Hebeli 12:23

Mwiza kulusekelo lulo abana abakatote aba Chala, bakukomana, babo amatabwa ghagho ghasimbiwe kumwanya. Mwiza kwa Chala yuyo mulongi uwa bantu bosi, sona mwiza ku mizimu iya bantu abagholosu, yiyo u Chala akayipela pakuba yakufikapo.

Ubuvumbuli 13:8

Abantu abakwikala muchisu ichapasi bakwiza pakuchiputa ichinyamana chila, abantu bosi babo amatabwa ghabo ghatasimbiwe mwibuku ilya bumi ilya Mwana uwa ng'ozi, yuyo akaboliwa yula.

Ubuvumbuli 22:19

Sona nanti umuntu yumo akwefyapo chimo pa mazyu aghabulaghuzi mwibuku linili, u Chala wepe akwiza pakwefyapo ichigaba chache chimo pikwi ilya bumi, sona nilya Kaya Akakulu nkani Akazelu, chicho chisimbiwe mwibuku linili.

Ubuvumbuli 3:5

Umuntu wesi yuyo akupota, akwiza pakuvwikiwa amenda amaswepu. Ntakwiza pakuzimya itabwa lyache mwibuku ilya bumi. Nkwiza pakumwitika pamaso pa Tata wane, sona napa bantumi bache.