Masalimo 69:23 - IBAYIBOLO 2024

²³ Amaso ghabo ghennyanje akafobela, umwakuti batakennyanje sona, zyope inyuma zyabo zipetamaye bwila na bwila.

Masalimo 69:23 Iomraidhean Croise

Yelemiya 30:6

Leka imbalalusye ilalusyo: Nkimba umuntu umwanavuli angapapa umwana? Po nkimba choni chicho nkwennya ukuti umwanavuli wesi alemite inyobe zyache palwanda, ngati po mukolo yuyo akusayiwa? Nkimba choni chicho icheni icha muntu wesi chachitima?

Daniyeli 5:6

Po icheni chache chikasulumannya umwakuti akanyila nkani, umwakuti ivimpevu vyache vikanda pakutetema.

Aba Loma 11:10

Amaso ghabo ghighaliliwe, umwakuti batakennyanje; sona akabalilo kosi inyuma zyabo zipetamaye.”

Aba Loma 11:25

Mwee bakamu bane, pano pali ubwanaloli bubo bufisiwe, bubo nkulonda ukuti amwe mubumanye pakuti chikwiza pakubapela ukuti mutakizimbulaye ukuti mwe bamahala. Ubukafu ubwa moyo agha ba Izilayeli bute bwa bwila na bwila, loli bukwiza pakubako mupaka abantu bosi babo bate ba Yuda bize kwa Chala.

2 Aba Kolinti 3:14

Loli inyinong'ono zyabo zikaba nkafu, sona mupaka nilelo bulo, bo bakubelenga ulufingo ulwakale, umwenda ghulaghula ghuchili ghuli palapala, pakuti umwenda ghulaghula ghungefiwapo pakumamatilana poka nu Kilisitu mwene.