Masalimo 68:9 - IBAYIBOLO 2024

⁹ Wee Chala, ukatimizya ivula inyinji pachisu ichapasi, po ichilingo chako chicho chikaba chumizu chikanyokelamo sona.

Masalimo 68:9 Iomraidhean Croise

1 Abamwene 19:11

U Mwene akati, “Epamo muno, po bukagha wimilile pamaso papane pighamba, pakuti nkulonda pakudumusannya.” Po impepo iyakoghofya ni yamaka yikazepulannya amaghamba nukughanyampannya amabwe pamaso pa Mwene. Loli u Mwene atakaba mumpepo yilayila. Bo impepo yila yaleka, kukaba akasenyenta. Pope bulo u Mwene atakaba mukasenyenta kalakala.

Ukufuma 19:18

Ighamba lyosi ilya Sinayi likakupikiliwa ni lyosi, pachifukwa ichakuti u Mwene akikila pighamba pala mumoto. Ilyosi likakwelagha kumwanya ngati lya mumuvuno, sona abantu bosi bakatetemagha pachifukwa icha bogha.

Ezekiyeli 34:26

Nkwiza pakubasaya abantu bane poka nu buzilo bubo buzyunguliye akaghamba kane. Nkwiza pakutuma ivula pakabalilo kache, po yikwiza pakuba vula iya lusayo.

Ukukumbusya Amalamulo 11:14

po ane nkwiza pakubatumila ivula muchisu chinyu pakabalilo aka lupepo na pachisiku, umwakuti mwinule ingano, nukuba nu vinyo umupya, na mafuta agha misyunguti aminji nkani.

Abalongi 5:4

Wee Mwene, bo wepapo pighamba ilya Seyili, sona bo wiza muchisu icha Edomu, ichisu ichapasi chikaneng'ena, sona ivula yikatima. Eee, amabingu ghakasunguluka kumwanya nukupungulila amizi.

Abalongi 5:5

Amaghamba ghakaneng'ena pamaso pa Mwene uwa Sinayi, pamaso pa Mwene u Chala uwa ba Izilayeli.