Masalimo 68:8 - IBAYIBOLO 2024

⁸ Po ichisu ichapasi chikayingana, sona kumwanya kukatimizya ivula, pamaso pa Chala, yuyo we Chala uwa lighamba ilya Sinayi, sona pamaso pa Chala uwa ba Izilayeli.

Masalimo 68:8 Iomraidhean Croise

Masalimo 114:7

Wee chisu ichapasi, tetemagha pamaso pa Mwene, yuyo we Chala uwa Yakobo.

Masalimo 41:13

U Mwene u Chala uwa ba Izilayeli, apaliwanje pakabalilo aka bwila na bwila. Ameni! Ameni!

Masalimo 68:35

Wee Chala, we wakoghofya mubuzilo bwako ubuzelu nkani, sona u Chala uwa ba Izilayeli akubapa amaka abantu bache. U Chala apaliwanje.

Masalimo 77:18

Ukupaya kwako kukivwika mukankungu, kope akamesya kakanyampana pachisu ichapasi, po ichisu ichapasi chikatetema nukuyingana.

Ukufuma 13:18

Loli u Chala akabalongozezya mumusebo ghugho ghuzyelite munkolongo uwakubukila ku Nyanja Inchesamu. Aba Izilayeli bakiyanizya zila pakulwa ubwite.

Ukufuma 19:16

Pandabindabi pisiku ilyabutatu kukaba ukupaya na kamesya. Ibingu ifitu likaboneka pighamba, sona kukivwika ukulila ukukulu ukwa lipati. Abantu bosi muvisakasa mula bakatetemagha pachifukwa icha bogha.

Ukufuma 19:18

Ighamba lyosi ilya Sinayi likakupikiliwa ni lyosi, pachifukwa ichakuti u Mwene akikila pighamba pala mumoto. Ilyosi likakwelagha kumwanya ngati lya mumuvuno, sona abantu bosi bakatetemagha pachifukwa icha bogha.

Yesaya 45:3

Nkwiza pakukupa ichuma chicho chitakuboneka, u bukabi bubo bubikiwe kubuzilo ubufisamu, umwakuti uzimanye ukuti ane ne Mwene, u Chala uwa Izilayeli, yuyo akukwitizya nitabwa lyako.

Yesaya 64:1

Wee Mwene nkimba choni chicho utakuzepula bulo kumwanya, nukwika pasi, umwakuti amaghamba ghakutetema pamaso papako?

Yesaya 64:3

Po ukabomba ivyakoghofya vivyo tutakavisubila, ukika pasi, sona amaghamba ghakatetema pantazi papako.

Habakuku 3:13

Ukiza pakubapoka abantu bako, pakubapoka abapakiwa bako. Ukamukoma umulongozi uwa chisu icha bantu ababibi bala, nukumuleka bwazi ukwanda kumutu mupaka kunyayo.

Aba Hebeli 12:26

Pakabalilo kalakala izyu likachineng'ennya ichisu ichapasi, loli ilelo alayizya ukuti, “Ntakwiza pakuchineng'ennya chene ichisu ichapasi, loli na kumwanya bulo.”

Ubuvumbuli 11:19

Inyumba iya Chala kumwanya yikighuka, sona Ibokosi ilya Lufingo likaboneka mulamula. Po kukabako ukumesya ukwa kamesya, ichongo nukupaya, akasenyenta ni vula iya mabwe aghamaka.

Abalongi 4:14

U Debola akamulamula u Balaki akati, “Bukagha! Ili lyo lisiku lilyo u Mwene akwiza pakumubika u Sisela munyobe zyako. U Mwene alongoleye kale muntazi mumwako?” Po u Balaki akika pighamba ilya Taboli, sona abantu 10,000 bakamukonka.